Vijay Deverakonda: రౌడీ హీరో విజయ్ అభిమానులను ఖుషి చేస్తాడా.? ఫ్యాన్స్‌లో భారీ అంచనాలు

మా హీరోకి బ్లాక్ బస్టర్ హిట్ కావలి.. ప్రస్తుతం క్రేజీ హీరో విజయ్ దేవరకొండ ఫ్యాన్స్ కోరుకునేది ఇదే.. గీతగోవిందం సినిమా తర్వాత విజయ్ ఆ రేంజ్ హిట్ అందుకోలేక పోయాడు. డియర్ కామ్రేడ్ సినిమా పర్లేదు అనిపించుకున్నా.. ఆ తర్వాత చేసిన సినిమాలు ఫ్యాన్స్ ను నిరాశపరిచాయి. దాంతో ఇప్పుడు అర్జెంట్ గా విజయ్ కు హిట్ కావాలి అంటున్నారు ఫ్యాన్స్. ప్రస్తుతం విజయ్ దేవరకొండ నటిస్తోన్న సినిమా ఖుషి. టాలెంటెడ్ దర్శకుడు శివ నిర్వాణ దర్శకత్వం వహిస్తోన్న ఈ సినిమా షూటింగ్ త్వరలోనే తిరిగి ప్రారంభం కానుంది. మొన్నామధ్య ఈ మూవీ షూటింగ్ స్టార్ట్ అయిన తర్వాత మధ్యలో బ్రేక్ తీసుకున్నారు. ఖుషి సినిమాలో విజయ్ కు జోడీగా సమంత నటిస్తోన్న విషయం తెలిసిందే.

మొన్నామధ్య సమంత అనారోగ్యానికి గురికావడంతో సినిమా షూటింగ్ కు బ్రేక్ ఇచ్చారు. అయితే డిఫరెంట్ లవ్ స్టోరీగా ఈ సినిమాను తెరకెక్కిస్తున్నాడు శివ. గతంలో శివ దర్శకత్వం వహించిన మజిలీ సినిమాలో సామ్ నటించిన విషయం తెలిసిందే.

ఇక ఈ సినిమా పాన్ ఇండియా మూవీగా రిలీజ్ చేస్తున్నారు. తెలుగుతో పాటు తమిళ్, హిందీ, కన్నడ భాషల్లోనూ రిలీజ్ కానుంది ఈ సినిమా ఈ సినిమా పై గట్టి నమ్మకంతో ఉన్నారు విజయ్ ఫ్యాన్స్. మరోసారి విజయ్ లవ్ స్టోరీతో హిట్ కొట్టడం ఖాయం అంటున్నారు. మరి ఖుషి సినిమాతో ఫ్యాన్స్ ను ఈ రౌడీ హీరో ఖుషి చేస్తాడేమో చూడాలి.