Nithiin’s Maestro : వెన్నెల్లో ఆడపిల్ల అంటూ విరహగీతం ఆలపిస్తున్న నితిన్.. మ్యాస్ట్రో నుంచి మరో అందమైన పాట..

Nithiin’s Maestro : యంగ్ హీరో నితిన్ సాలిడ్ హిట్ కోసం ఎదురుచూస్తున్నాడు. ఈ ఏడాది విడుదలైన చెక్ సినిమా దారుణంగా నిరాశపరిచింది. చంద్రశేఖర్ యేలేటి దర్శకత్వంలో వచ్చిన ఈ సినిమాలో ప్రియా వారియర్, రకుల్ ప్రీత్ హీరోయిన్స్గా నటించారు. ఎన్నో ఆశలు పెట్టుకున్న ఈ సినిమా బాక్సాఫీస్ దగ్గర బోల్తాకొట్టింది. ఈ సినిమా తర్వాత వెంకీ అట్లూరి దర్శకత్వంలో ఓ సినిమా చేశాడు నితిన్. రంగ్ దే అనే టైటిల్‌‌‌‌‌‌తో  వచ్చిన ఈ సినిమా పర్లేదు అనిపించుకుంది. ఇక ఇప్పుడు మ్యాస్ట్రోగా ప్రేక్షకుల ముందుకు రానున్నాడు ఈ కుర్రహీరో. హిందీలో మంచి విజయాన్ని అందుకున్న థ్రిల్లర్ మూవీ ‘అంధాధూన్’ పలు భాషల్లో రీమేక్ అవుతున్న సంగతి తెలిసిందే. ఈక్రమంలోనే తెలుగులో కూడా ఈ మూవీని రీమేక్ చేస్తున్నారు. మేర్లపాక గాంధీ ఈ సినిమాకు దర్శకత్వం వహిస్తున్నారు. ఈ చిత్రం మీద ప్రేక్షకుల్లో మంచి అంచనాలున్నాయి. ఇటీవల విడుదలైన ఈ సినిమా ఫస్ట్ లుక్, పోస్టర్లు, సాంగ్స్ ప్రేక్షకుల్ని ఆకట్టుకున్నాయి. ఈ చిత్రంలో నితిన్ అంధుడిగా ఛాలెంజింగ్ రోల్ ప్లే చేస్తున్నారు. ఇప్పటికే షూటింగ్ పూర్తి చేసుకున్న ఈ చిత్రానికి సంబంధించిన పోస్ట్ ప్రొడక్షన్ వర్క్స్ జరుగుతున్నాయి.

తాజాగా ఈ సినిమానుంచి ఓ అందమైన పాటను విడుదల చేశారు. ‘వెన్నెల్లో ఆడపిల్ల’ అనే  సాంగ్ ఫుల్ వీడియోని విడుదల చేశారు చిత్రయూనిట్. ఈ పాట శ్రోతలను విశేషంగా ఆకట్టుకుంటోంది. నితిన్ – నభా కెమిస్ట్రీ బాగా కుదిరిందని చెప్పాలి. పాట చివర్లో హీరోయిన్ తమన్నా – నరేష్ – జిషుసేన్ గుప్తా – సింగర్ మంగ్లీ  కనిపించారు. ఆడియో పరంగానే కాకుండా.. విజువల్‌‌‌గా కూడా ఈ సాంగ్ చాలా బాగుంది ఉంది. రాజ్ కుమార్ ఆకెళ్ల సమర్పణలో శ్రేష్ఠ మూవీస్ బ్యానర్ పై ఎన్.సుధాకర్ రెడ్డి – నికిత రెడ్డి ఈ చిత్రాన్ని నిర్మిస్తున్నారు.

మరిన్ని ఇక్కడ చదవండి : 

Rajasekhar: విలన్‌‌‌‌గా మారనున్న సీనియర్ యాక్టర్.. ఆ హీరో సినిమాలో ప్రతినాయకుడిగా రాజశేఖర్..

పరమ్ సుందరి అంటూ అదరగొట్టిన చిన్నారి.. కృతిసనన్‌‌‌‌ను దించేసిన క్యూటీ.. నెటిజన్లు ఫిదా అవ్వకుండా ఉంటరామరి..

Tuck Jagadish: మళ్లీ ఓటీటీ వైపు టక్ జగదీశ్ చూపు..!! థియేటర్లు ఓపెన్‌ అయినా అంతగా కనిపించని జనం.. వీడియో