Uday Kiran: బాలకృష్ణతో ఉదయ్ కిరణ్.. ఏ సినిమా కోసం వర్క్ చేశారో తెలుసా.. వైరలవుతున్న ఫోటో..
జూన్ 26 ఉదయ్ కిరణ్ పుట్టిన రోజు. ఈ సందర్భంగా ఉదయ్ కిరణ్కు సంబంధించిన అరుదైన ఫోటోలను ఆయన ఫ్యాన్స్ సోషల్ మీడియా వేదికగా షేర్ చేస్తున్నారు. ఈ క్రమంలో నందమూరి నటసింహం బాలకృష్ణతో ఉదయ్ కలిసి దిగిన ఓ ఫోటో ఇప్పుడు నెట్టింట చక్కర్లు కొడుతుంది. దీంతో ఆ పిక్ ఏ సినిమా షూటింగ్ సమయంలోనిది అంటూ చర్చ మొదలైంది.
Updated on: Jun 26, 2023 | 6:32 PM
ఉదయ్ కిరణ్.. ప్రస్తుతం తెలుగు సినీప్రియుల మదిలో నిలిచిపోయిన ఓ రూపం. 2000లో చిత్రం సినిమాతో తెలుగు తెరకు హీరోగా పరిచయమయ్యారు ఉదయ్. ఆ తర్వాత నువ్వు నేను సినిమాతో హిట్ అందుకున్నారు. అంతేకాకుండా.. మనసంతా నువ్వే సినిమాతో మరో బ్లాక్ బస్టర్ హిట్ ఖాతాలో వేసుకున్నారు. అప్పట్లో వరుసగా హ్యట్రిక్ హిట్స్ అందుకున్న ఏకైక యంగ్ హీరో ఉదయ్ కిరణ్. అంతేకాదు.. అప్పట్లో ఉదయ్ కిరణ్కు లేడీ ఫాలోయింగ్ ఓ రేంజ్లో ఉండేది. దీంతో అతడితో సినిమాలు చేసేందుకు దర్శకనిర్మాతలు ఆసక్తి చూపించారు. కానీ.. ఆ తర్వాత ఉదయ్ నటించిన చిత్రాలన్ని బాక్సాఫీస్ వద్ద డిజాస్టర్స్ అయ్యాయి. మరోవైపు వ్యక్తిగత జీవితంలో జరిగిన పరిణామాలు ఉదయ్ కెరీర్ పై ప్రభావం చూపించాయి. దీంతో తీవ్ర మానసిక సంఘర్షణకు గురయ్యారు. పర్సనల్ లైఫ్ లో స్ట్రగుల్స్.. కెరీర్‍లో ఒడిదుడుకులతో సతమతమయిన ఉదయ్ చివరకు ఆత్మహత్య చేసుకుని ఈ లోకాన్ని విడిచి వెళ్లిపోయారు. 2014 జనవరి 6న తన నివాసంలో ఉరివేసుకుని సూసైడ్ చేసుకున్నారు. ఉదయ్ ఆత్మహత్య చేసుకోవడం ఆయన అభిమానులతోపాటు.. ఇండస్ట్రీలోని చాలా మందికి బాధను కలిగించింది. జూన్ 26 ఉదయ్ కిరణ్ పుట్టిన రోజు. ఈ సందర్భంగా ఉదయ్ కిరణ్కు సంబంధించిన అరుదైన ఫోటోలను ఆయన ఫ్యాన్స్ సోషల్ మీడియా వేదికగా షేర్ చేస్తున్నారు. ఈ క్రమంలో నందమూరి నటసింహం బాలకృష్ణతో ఉదయ్ కలిసి దిగిన ఓ ఫోటో ఇప్పుడు నెట్టింట చక్కర్లు కొడుతుంది. దీంతో ఆ పిక్ ఏ సినిమా షూటింగ్ సమయంలోనిది అంటూ చర్చ మొదలైంది.
ఎలాంటి బ్యాగ్రౌండ్ లేకుండా ఇండస్ట్రీలోకి అడుగుపెట్టిన ఉదయ్.. అతి తక్కువ సమయంలోనే స్టార్ డమ్ అందుకున్నారు. అంతేకాకుండా అత్యధిక ఫాలోయింగ్ సంపాదించుకున్నారు. వరుసగా హిట్స్ అందుకుంటూ ఫుల్ జోష్ లో ఉన్న సమయంలోనే ఉదయ్ కిరణ్ కు బాలకృష్ణ సినిమాలో నటించే ఛాన్స్ వచ్చింది. అదే నర్తనశాల. 2004 మార్చి 1న రామోజీ ఫిలిం సిటీలో వేసిన పర్ణశాల సెట్ లో ఈ మూవీ షూటింగ్ స్టార్ట్ అయ్యింది. ఇందులో భారీ క్యాస్టింగ్ కూడా ఉంది. ఈ చిత్రంలో బాలకృష్ణ , దివంగత నటి సౌందర్య ప్రధాన పాత్రలలో నటించారు. అయితే సౌందర్య అకాల మరణంతో ఈ మూవీ షూటింగ్ ఆగిపోయింది.
అన్ని పరిస్థితులు బాగుండి ఉంటే.. ఈ సినిమా ప్రేక్షకుల ముందుకు వచ్చేది. ఇందులో దివంగత హీరో ఉదయ్ కిరణ్ను అభిమాన్యుడి పాత్ర కోసం తీసుకున్నారు. ఈ సినిమా షూటింగ్ సెట్లో అడుగుపెట్టిన ఉదయ్ కిరణ్.. అప్పుడు బాలకృష్ణతో తీసుకున్న ఫోటో ఇది. అందులో ఉదయ్ కల్మషం లేని చిరునవ్వు చూసి ఇప్పుడు ప్రేక్షకుల కళ్లు చెమ్మగిల్లుతున్నాయి. ఈ ఫోటో సోషల్ మీడియాలో వైరలవుతుంది.
Remembering A Heartthrob, Handsome, Humble & Immensely Talented #UdayKiran garu on his Birth Anniversary 🎂🙏🏼💐💐
Gone too soon, but never forgotten 💫
Happiest Birthday Uday kiran Garu🎂❤️ #GODOFMASSESNBK Fans @manabalayya @NBKTrends @NBK_Unofficial 😎🥰🤗 pic.twitter.com/1ylCydYylq
— Nandamuri Balakrishna (@DoddiBalakrish4) June 26, 2023
మరిన్ని సినిమా వార్తల కోసం ఇక్కడ క్లిక్ చేయండి.
