Minnal Murali : సూపర్ హీరో కథతో రాబోతున్న ‘మిన్నల్ మురళి’.. ఆకట్టుకుంటున్న ట్రైలర్

Minnal Murali : ‘మిన్నల్ మురళి’ చిత్రంతో క్రిస్మస్ మరింత సందడిగా మారనుంది. అసలు ఈ సినిమా ఏంటనుకుంటున్నారా..? జైసన్ అనే వ్యక్తి జీవిత చరిత్ర ఆధారంగా ఈ మూవీని తెరకెక్కిస్తున్నారు. ఓ సాధారణ వ్యక్తి నుంచి అతింద్రీయ శక్తులను సాధించిన సూపర్ హీరో  కథే ఈ  మిన్నల్ మురళి సినిమా. ఈ చిత్రాన్ని సోపియా పాల్ వీకెండ్ బ్లాక్ బస్టర్స్ బ్యానర్ మీద నిర్మిస్తుండగా.. బసిలో జోసెఫ్ దర్శకత్వం వహిస్తున్నారు. ఇక మాలీవుడ్ ఐకాన్ టోవినో థామస్.. సూపర్ హీరో మిన్నల్ మురళి పాత్రను పోషిస్తున్నారు. గురు సోమసుందరం, హరిశ్రీ అశోకన్, అజు వర్గీస్ ముఖ్య పాత్రలో కనిపించనున్నారు.డిసెంబర్ 24న ఈ మూవీ ప్రముఖ ఓటీటీలో ప్రీమియర్ కాబోతోంది. ఈ చిత్రంలో మళయాలంలో రుపొందినప్పటికీ .. తమిళ, తెలుగు, కన్నడ, హిందీ, ఇంగ్లీష్ భాషల్లో డబ్ కానుంది.

దర్శకుడు బసిల్ జోసెఫ్ మాట్లాడుతూ.. ‘సూపర్ హీరోల్లాంటి కల్పిత కథలంటే నాకు చాలా ఇష్టం. కామిక్ బుక్స్ నుంచి మొదలుకొని వచ్చిన ప్రతీ సూపర్ హీరో చిత్రమంటే నాకు ఇష్టం. ఓ సూపర్ హీరో కథతో ఆడియెన్స్ అందరినీ ఆకట్టుకోవాలనే కల ఉండేది. అది ఈ మిన్నల్ మురళీ సినిమాతో నెరవేరుతోంది అని అన్నారు. అలాగే హీరో టోవినో థామస్ మాట్లాడుతూ.. ‘మిన్నల్ మురళీ అనే చిత్రం ఆద్యాంతం ఎంతో ఆసక్తికరంగా ఉంటుంది. సినిమా చివరి క్షణం వరకు ఎంగేజ్ చేస్తుంది. నేను ఈ చిత్రంలో జైసన్ అక మిన్నల్ మురళీ పాత్రను పోషించాను. మెరుపును తాకడం వల్ల అతీంద్రియ శక్తులు లభిస్తాయి. ఈ పాత్రను పోషించడం నాకు ఎంతో సవాల్ గా మారింది. బసిల్ జోసెఫ్ విజన్ అనితర సాధ్యమైంది. ఆయన విజన్ను ప్రేక్షకులు చూడాలని కోరుకుంటున్నా’ అని అన్నారు. తాజాగా ఈ సినిమా తెలుగు ట్రైలర్ ను విడుదల చేశారు. ఈ ట్రైలర్ పై మీరూ ఓ లుక్కేయండి.

మరిన్ని ఇక్కడ చదవండి : 

Pushpaka Vimanam: పుష్పక విమానం ట్రైలర్ లాంచ్ లైవ్.. చీఫ్ గెస్ట్‌గా ఐకాన్ స్టార్ అల్లు అర్జున్

Puneeth Rajkumar Daughter: ‘డాడీ.. మమ్మల్ని వదిలి వెళ్లావా’.. కన్నీటి పర్యంతమైన పునీత్ కుమార్తె

Puneeth Rajkumar: ‘మనుష్యులందు నీ కథ… మహర్షిలాగ సాగదా’.. కంఠీరవ కిక్కిరిసింది ఇందుకే