OTT Movie: ఒంటరిగా అస్సలు చూడకండి.! హారర్ సీన్‌లతో ప్యాంట్ తడిసిపోవాల్సిందే.. ఎక్కడ చూడొచ్చంటే
హారర్ మూవీ‌లకు సెపరేట్ ఫ్యాన్ బేస్ అయితే ఉంటుంది. దానికి తగ్గట్టుగానే ప్రముఖ ఓటీటీలు ప్రతీ వారం సరికొత్త హారర్ థ్రిల్లర్ మూవీలను రిలీజ్ చేస్తూ ఉంటాయి. అలాంటి ఓ హారర్ మూవీని మీకు సజెస్ట్ చేస్తున్నాం.
Updated on: Nov 03, 2024 | 8:59 AM
హారర్ మూవీ‌లలో ఉండే ఒకే ఒక కామన్ పాయింట్.. భయపెట్టడం.! కామిక్ హారర్, హారర్, హారర్ థ్రిల్లర్.. ఇలా జోనర్స్ ఎన్ని ఉన్నా.. అన్నింటిలోనూ ఉండేది వెన్నులో వణుకు పుట్టించే హారర్ సీన్స్.. దడేల్ అనిపించేలా సౌండ్ ఎఫెక్ట్స్.. ఇక హారర్ మూవీస్ ఇష్టపడేవారు వీటిని తెగ ఎంజాయ్ చేస్తుంటారు. మరి అలాంటివారి కోసమే ఈ మూవీ సజెస్ట్ చేస్తున్నాం. అదేంటి.? ఏ ఓటీటీలో స్ట్రీమ్ అవుతోంది అనేది ఇప్పుడు చూద్దాం..
స్టోరీలోకి వెళ్తే.. హీరోయిన్‌కి పలు సందర్భాల్లో ఓ చిన్న పిల్లోడు కనిపిస్తాడు.. ఆ వెంటనే అదృశ్యమవుతాడు. అసలు ఎందుకిలా జరుగుతోందో ఆమెకి ఏమి అర్ధం కాదు. ఇక ఓ బేబి సిట్టర్‌గా పని చేస్తోన్న హీరోయిన్‌కి ఓ భయంకరమైన డ్రీమ్ వస్తుంది. అప్పటి నుంచి ఓ బాలుడు ఆమెను అద్దంలో కనిపిస్తూ భయపెడుతూ ఉంటాడు. ఇంతకీ హీరోయిన్‌కు ఒక రోజు పురుగు కుడుతుంది. ఆమె కళ్లు రంగు మారుతాయి. డాక్టర్ దగ్గరకు వెళ్తే.. ట్విన్స్‌కే ఇలా జరుగుతుందని అంటారు. దీంతో తన జీవితం గురించి తెలుసుకోవాలని ప్రయత్నిస్తుంది హీరోయిన్. అప్పుడే తనకు ఓ తమ్ముడు ఉండే వాడని.. పుట్టేటప్పుడే అతడు చనిపోయాడని తెలుసుకుంటుంది. అలాగే తన తల్లి కూడా మానసికంగా బాధపడుతూ ఆత్మహత్య చేసుకుందని ఆమె తండ్రి చెప్తాడు.
తన తమ్ముడు ఆమె చుట్టూ తిరుగుతున్నాడని అనుమానం పడుతుంది. ఆ సమస్యను ఆమె బయటపడిందా.? ఆమె తల్లి నిజంగానే ఆత్మహత్య చేసుకుందా.? అనేది మూవీ చూడాల్సిందే. ఈ మూవీ పేరు “ది అన్ బార్న్”. ఇది ప్రస్తుతం అమెజాన్ ప్రైమ్ వీడియో ఓటీటీలో స్ట్రీమింగ్ అవుతోంది. ధైర్యం ఉంటేనే ఈ హర్రర్ థ్రిల్లర్ మూవీని చూడండి.
మరిన్ని సినిమా వార్తల కోసం ఇక్కడ క్లిక్ చేయండి
