Taapsee Pannu: తెలుగులో చాలా కాలం తర్వాత తిరిగి సినిమా చేస్తున్న బ్యూటీ..

ఝుమ్మంది నాదం సినిమాతో తెలుగులోకి ఎంట్రీ ఇచ్చింది ముద్దుగుమ్మ తాప్సీ. ఆతర్వాత తెలుగులో వరుస సినిమాలు చేస్తూ దూసుకుపోయింది ఈ చిన్నది.

Taapsee Pannu

Updated on: Jul 06, 2021 | 8:41 PM

Taapsee Pannu: ఝుమ్మంది నాదం సినిమాతో తెలుగులోకి ఎంట్రీ ఇచ్చింది ముద్దుగుమ్మ తాప్సీ. ఆతర్వాత తెలుగులో వరుస సినిమాలు చేస్తూ దూసుకుపోయింది ఈ చిన్నది. తెలుగులో స్టార్ హీరోలతో జతకట్టిన తాప్సీ… ఆ తరువాత వరుసగా కొన్ని సినిమాలు ఫ్లాప్ కావడంతో.. ఈ అమ్మడికి ఇక్కడ అవకాశాలు తగ్గుతూ వచ్చాయి. ఆ తర్వాత బాలీవుడ్ లో అడుగు పెట్టింది. అక్కడ వరుస అవకాశాలను అందుకుంటూ స్టార్ హీరోయిన్స్ ను సైతం వెనక్కినెట్టేస్తుంది. లేడీ ఓరియెంటెడ్ సినిమాలతో తాప్సీ మంచి గుర్తిపు తెచ్చుకుంది. చివరగా ‘గేమ్ ఓవర్’ అనే హిందీ తెలుగు బైలింగ్విల్ లో కనిపించిన తాప్సీ.. మళ్ళీ టాలీవుడ్ కి రావడానికి మంచి స్టోరీ కోసం ఎదురుచూసింది. ఇక ఇప్పుడు తాప్సీ తెలుగులో ఒక సినిమా చేస్తోంది .. దాని పేరే ‘మిషన్ ఇంపాజిబుల్. ‘ఏజెంట్ సాయిశ్రీనివాస ఆత్రేయ’ సినిమాతో ప్రేక్షకులను నాన్ స్టాప్ గా నవ్వించిన, స్వరూప్ ఈ సినిమాకి దర్శకుడిగా వ్యవహరిస్తున్నాడు.

మ్యాట్నీ ఎంటర్టైన్మెంట్ బ్యానర్ పై నిరంజన్ రెడ్డి – అన్వేష్ రెడ్డి లు ఈ చిత్రాన్ని నిర్మిస్తున్నారు. ఇందులో తాప్సీ ప్రధాన పాత్ర పోషిస్తోంది. ఈ సినిమా లేడీ ఓరియెంటెడ్ అని సమాచారం. తెలుగులోకి తిరిగి రావడానికి ఇదే సరైన స్క్రిప్ట్ అని భావించిన ఈ బ్యూటీ.. తాజాగా షూటింగ్ లో జాయిన్ అయ్యారు.సినిమాకు సంబంధించిన వర్కింగ్ పోస్టర్ ను రిలీజ్ చేశారు చిత్రయూనిట్. ఈ పోస్టర్ లో తాప్సీ చేతికి కట్టుకట్టుకొని లాప్ టాప్ ముందు కూర్చొని ఏదో ఆతృతగా చూస్తూ ఉంది. ఈ సినిమా తిరుపతికి దగ్గరలోని ఓ గ్రామంలో జరిగే హంటింగ్ ఫిల్మ్ అని తెలుస్తోంది.

This ‘Mishan’ is surely ‘Impossible’ with out her?

Welcoming the amazingly talented @taapsee on board for #MishanImpossible?@swarooprsj @iamMarkKRobin #NiranjanReddy #AnveshReddy @pasha_always @MatineeEnt #TaapseePannu pic.twitter.com/dajWA2jeQE

— Matinee Entertainment (@MatineeEnt) July 6, 2021