అభిమాని ప్రేమలేఖకు సుస్మితాసేన్ సూపర్ ఆన్సర్…
బాలీవుడ్ తార సుస్మితా సేన్.. దాదాపు పదేళ్ల విరామం తర్వాత మళ్లీ ముఖానికి మేకప్ వేసుకుంది. 'ఆర్య' వెబ్ సిరీస్తో ఇటీవలే ఆడియెన్స్ ముందుకొచ్చింది.
బాలీవుడ్ తార సుస్మితా సేన్.. దాదాపు పదేళ్ల విరామం తర్వాత మళ్లీ ముఖానికి మేకప్ వేసుకుంది. ‘ఆర్య’ వెబ్ సిరీస్తో ఇటీవలే ఆడియెన్స్ ముందుకొచ్చింది. అందులో ఆమె యాక్టింగ్ అదరగొట్టిందని రివ్యూస్ వస్తున్నాయి. ఈ నేపథ్యంలోనే ఓ ఫ్యాన్ సుస్మితాకు స్వయంగా లవ్ లెటర్ రాసి పంపించాడు. దానిని ఇన్స్టాలో పోస్ట్ చేసిన ఈ అందాల తారా.. అద్భుతమైన ప్రేమ లేఖ ఇదని పేర్కొంది. జీవితకాలం గుర్తుండిపోతుందని వెల్లడించింది.
“అద్భుతమైన ప్రేమ లేఖ. గత కొన్నేళ్ల నుంచి ప్రజల అభిమానం, ప్రేమ దక్కడం నిజంగా అదృష్టం. స్వయంగా రాసిన లెటర్స్ అంటే నాకు చాలా ఇష్టం. ఇక మీరు నాకు పంపే ప్రతి లేఖను నేను స్వయంగా చదువుతాను. అయితే మొదటిసారి చాలా సింపుల్గా రాసిన లవ్ లెటర్ ఓ అభిమాని పంపారు. దీనిని లైఫ్ లాంగ్ గుర్తుపెట్టుకుంటాను. ఐ లవ్ యూ టూ!!!” అని ఇన్స్టాలో సుస్మితాసేన్ పేర్కొంది.