Guntur Karam: మళ్ళీ బరిలోకి దిగిన ‘గుంటూరు కారం’ చిత్ర బృందం.. పట్టాలెక్కిన చిత్రీకరణ
టాలీవుడ్‌ సూపర్‌స్టార్‌ మహేష్‌ బాబు హీరోగా ‘గుంటూరు కారం’ మువీ తెరకెక్కిస్తున్న సంగతి తెలిసిందే. మాటల మాంత్రికుడు త్రివిక్రమ్‌ దర్శకత్వంలో సాలిడ్ యాక్షన్ ఎంటర్టైనర్‌గా ఈ చిత్రాన్ని తెరకెక్కిస్తున్నారు. హారిక అండ్‌ హాసిని క్రియేషన్స్‌ పతాకంపై..
Updated on: Jun 25, 2023 | 8:24 AM
టాలీవుడ్‌ సూపర్‌స్టార్‌ మహేష్‌ బాబు హీరోగా ‘గుంటూరు కారం’ మువీ తెరకెక్కిస్తున్న సంగతి తెలిసిందే. మాటల మాంత్రికుడు త్రివిక్రమ్‌ దర్శకత్వంలో సాలిడ్ యాక్షన్ ఎంటర్టైనర్‌గా ఈ చిత్రాన్ని తెరకెక్కిస్తున్నారు. హారిక అండ్‌ హాసిని క్రియేషన్స్‌ పతాకంపై ఎస్‌ రాధాకృష్ణ నిర్మిస్తున్న మువీ ఇది. ఈ మువీలో మహేష్‌ సరసన శ్రీలీల అలరించనుంది. మరో కథానాయికగా పూజా హెగ్డేను చిత్రబృందం ప్రకటించినప్పటికీ.. ఈ మధ్య పూజాహెగ్డే ఈ ప్రాజెక్ట్ నుంచి తప్పుకున్నట్లు సమాచారం. ఆ స్థానంలో మరొక కథానాయిక ఎవరనేది ప్రస్తుతం ఆసక్తికరంగా మారింది.
ఇక తాజాగా వచ్చిన ఫస్ట్‌ గ్లింప్స్‌తో ఈ మువీపై అంచనాలు పెరిగాయి. ఏప్రిల్ తొలి వారం వరకూ చిత్రీకరణ చేసుకున్న ఈ సినిమా సుదీర్ఘ విరామం తర్వాత మళ్లీ పట్టాలెక్కింది. చిత్రీకరణకు చిత్ర బృందం మళ్లీ రంగంలోకి దిగారు. హైదరాబాద్‌ శివార్లలో శనివారం కొత్త షెడ్యూల్‌ చిత్రీకరణ మొదలైంది. కొన్ని కీలక సన్నివేశాల్ని తెరకెక్కిస్తున్నారు.
Superstar @UrstrulyMahesh is back in ACTION! 🔥🔥🎬🎬#GunturKaaram Latest Schedule Begins Today 🌶️ pic.twitter.com/JFIFw6rySR
— Guntur kaaram (@GunturKaaram) June 24, 2023
కాగా మహేశ్‌కి ‘గుంటూరు కారం’ 28వ సినిమా. మహేశ్‌, త్రివిక్రమ్‌ కాంబోలో రూపొందుతున్న మూడో చిత్రమిది. ఐతే ఈ ప్రాజెక్ట్ ప్రారంభమైనప్పటి నుంచి పలు అవాంతరాలు ఎదురయ్యాయి. కొన్ని నెలల విరామం తర్వాత ఎట్టకేలకు ఈ సినిమా చిత్రీకరణ తిరిగి ప్రారంభం కావడంతో సూపర్ స్టార్ ఫ్యాన్స్‌ పండగ చేసుకుంటున్నారు. మహేష్‌ 29వ చిత్రం అగ్ర దర్శకుడు రాజమౌళి దర్శకత్వంలో రూపొందనున్న సంగతి తెలిసిందే. రచయిత విజయేంద్రప్రసాద్‌ ఈ మువీకి స్క్రిప్ట్‌ రాస్తున్నారు. యాక్షన్ డ్రామాగా జక్కన్న ఈ మువీని రూపొందిస్తున్నట్లు టాక్‌.
మరిన్ని సినిమా కథనాల కోసం క్లిక్‌ చేయండి.
