RRR : నాటు నాటు పాట క్రెడిట్ అంతా అతనికే.. ఆసక్తికర వ్యాఖ్యలు చేసిన రాజమౌళి

టాలీవుడ్ తోప్ డైరెక్టర్ రాజమౌళి తెరకెక్కించిన ఆర్ఆర్ఆర్ సినిమా సంచలన విజయాన్ని అందుకోవడమే కాదు అనేక రికార్డులను కూడా సొంతం చేసుకుంది. మెగా పవర్ స్టార్ రామ్ చరణ్, యంగ్ టైగర్ ఎన్టీఆర్ తో కలిసి రాజమౌళి ఈ సినిమాను తెరకెక్కించారు. ఇక ఈ సినిమాలో చరణ్ మన్యంవీరుడు అల్లూరి సీతారామరాజుగా.. తారక్ కొమురం భీమ్ గా అద్భుతంగా నటించి అలరించారు. చరిత్రలో ఎన్నడూ కలవని ఇద్దరు వీరులను స్నేహితులుగా మార్చి ఫిక్షనల్ కథతో ఈ సినిమాను రూపొందించారు జక్కన్న . ఇక ఈ సినిమా ప్రపంచ స్థాయిలో తెలుగు సినిమా కీర్తిని పెంచేసింది. జపాన్ లోనూ విడుదలైన ఈ సినిమా అక్కడ కూడా బ్లాక్ బస్టర్ హిట్ గా నిలిచింది. ఇక ఈ సినిమాలోని నాటు నాటు పాటకు గ్లోబల్ అవార్డు దక్కగా ఆస్కార్ నామినెన్షన్ లో కూడా ఈ పాట నామినేట్ అయ్యింది.

ఇదిలా ఉంటే ఈ పాట క్రెడిట్ అంతా రాజమౌళికి సంగీత దర్శకుడికి మాత్రమే దక్కుతోందని కొందరు ట్రోల్స్ చేస్తున్నారు. గత కొద్దీ రోజులుగా ఈ ట్రోల్స్ ఎక్కువ కావడంతో దీని పై రాజమౌళి స్పందించారు. ఈ సినిమాలోని నాటు నాటు పాట క్రెడిట్ అంతా ప్రేమ్ రక్షిత్ కే దక్కుతుందని అన్నారు రాజమౌళి.

ప్రస్తుతం వరుసగా ఆంగ్ల పత్రికలకు ఇంటర్వ్యూలు ఇస్తోన్న రాజమౌళి తాజాగా ఒక ఇంటర్వ్యూలో మాట్లాడుతూ.. ఆ నాటు నాటు పాట కోసం ప్రేమ్ రక్షిత్ చాలా కష్టపడ్డారు అని అన్నారు. అతను అంత ఎఫర్ట్స్ పెట్టాడు కాబట్టే ఆ పాటకు అంతటి గౌరవం దక్కిందని అన్నారు రాజమౌళి. అలాగే  రామ్ చరణ్ ను తారక్ బుజాల పై ఎత్తుకొని చేసే ఫైట్ కూడా ప్రేమ్ రక్షిత్ కొరియోగ్రాఫ్ చేశారని అన్నారు రాజమౌళి.