Srinu Vaitla: మరోసారి ఆ స్టార్ హీరోతో సినిమా చేయనున్న శ్రీను వైట్ల..
మహేష్ బాబు హీరోగా వచ్చిన దూకుడు సినిమా తర్వాత ఆ రేంజ్ హిట్ అందుకోలేక పోయాడు ఒకప్పటి ఈ స్టార్ డైరెక్టర్. ఇక చాలా కాలంగా సినిమాలకు దూరంగా ఉంటూ వస్తున్నారు శ్రీనువైట్ల.
Updated on: Sep 27, 2022 | 7:43 PM
ఒకప్పుడు స్టార్ డైరెక్టర్ గా తన మార్క్ చూపించాడు శ్రీను వైట్ల. తనదైన కామెడీతో ప్రేక్షకులను కడుపుబ్బా నవ్వించాడు. కామెడీ ఎంటర్టైమెంట్స్ తో పాటు పవర్ ఫుల్ కంటెంట్ తో సినిమాలు తెరకెక్కించి ఆకట్టుకున్నాడు శ్రీనువైట్ల. ఇక ఈ మధ్య కాలంలో సరైన హిట్ పడలేదు. మహేష్ బాబు హీరోగా వచ్చిన దూకుడు సినిమా తర్వాత ఆ రేంజ్ హిట్ అందుకోలేక పోయాడు ఒకప్పటి ఈ స్టార్ డైరెక్టర్. ఇక చాలా కాలంగా సినిమాలకు దూరంగా ఉంటూ వస్తున్నారు శ్రీనువైట్ల. చాలా కాలం తర్వత శ్రీనువైట్ల విష్ణు మంచు తో సినిమా చేస్తున్న అని అనౌన్స్ చేశాడు. గతంలో ఈ ఇద్దరి కాంబోలో ఢీ సినిమా వచ్చిన విషయం తెలిసిందే. ఈ సినిమా మంచి హిట్ అందుకున్న విషయం తెలిసిందే.
ఇప్పుడు మరోసారి ఢీ అంటే ఢీ అనే సినిమాను కూడా అనౌన్స్ చేశాడు. కానీ ఈ సినిమా ఇప్పటివరకు పట్టాలెక్కలేదు. ఇదిలా ఉంటే ఇప్పుడు మాస్ మహారాజ హీరోగా ఓ సినిమా చేయనున్నాడట శ్రీనువైట్ల. గతంలో ఈ ఇద్దరి కాంబినేషన్ లో వెంకీ, దుబాయ్ శ్రీను లాంటి సినిమాలు చేసిన విషయం తెలిసిందే. ఈ రెండు సినిమాలు మంచి విజయాన్ని అందుకున్నాయి. ఆ తర్వాత వచ్చిన అమర్ అక్బర్ అంథోని సినిమా దారుణంగా నిరాశపరిచింది. తాజాగా శ్రీను వైట్ల రవితేజ కు ఓ కథను వినిపించాడట కథ నచ్చడంతో ఇప్పుడు ఈ కాంబినేషన్ లో సినిమా వస్తుందని టాక్ వినిపిస్తోంది. ఇప్పుడు శ్రీను వైట్లతో మరో సినిమా చేయడానికి రవితేజ గ్రీన్ సిగ్నల్ ఇచ్చినట్టుగా టాక్. త్వరలోనే ఈ కాంబినేషన్ పై క్లారిటీ వచ్చే అవకాశం ఉంది.
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.
