ఊహించని విషాదం.. 30ఏళ్లకే కన్నుమూసిన సోషల్ మీడియా ఇన్ఫ్లుయెన్సర్
గుండెపోటు అనే సమస్య నేటి సమాజంలో పెద్ద ప్రమాదంగా మారుతోంది. వయస్సుతో సంబంధం లేకుండా యువతలో కూడా గుండెపోటు కేసులు పెరుగుతున్నాయి. ఇటీవలి కాలంలో దివ్యాంక సిరోహి అనే యువతి గుండెపోటుతో మరణించడం సమాజాన్ని కలచివేసింది. ఆమె మరణవార్త తెలిసి అభిమానులు దిగ్బ్రాంతికి గురవుతున్నారు.
Updated on: Apr 23, 2026 | 11:03 AM
సినిమా ఇండస్ట్రీలో మరో విషాదం చోటు చేసుకుంది. చిన్నవయసులోనే నటి దివ్యాంక సిరోహి కన్నుమూశారు. కేవలం 30ఏళ్ల వయసులోనే దివ్యాంక సిరోహి కన్నుమూయడంతో ఇండస్ట్రీలో తీవ్ర విషాదం నెలకొంది. దివ్యాంక సిరోహి మరణం సినీ ప్రపంచానికే కాకుండా ఆమె అభిమానులకు కూడా తీవ్ర విషాదాన్ని మిగిల్చింది. చిన్నవయసులోనే ఈ విధంగా జీవితం ముగియడం అందరినీ కలచివేసింది. ఆమె ప్రతిభ, అందం, అభినయంతో మంచి గుర్తింపు పొందుతున్న సమయంలో జరిగిన ఈ ఘటన మరింత బాధాకరంగా నిలిచింది. దివ్యాంక సిరోహి తన కెరీర్ను క్రమంగా సెట్ చేసుకుంటూ.. టెలివిజన్, మోడలింగ్ రంగాల్లో మంచి పేరు తెచ్చుకుంది.
ఇది కూడా చదవండి: 60మంది హీరోయిన్స్తో నటించిన ఏకైక హీరో.. ఎన్టీఆర్, ఏఎన్ఆర్ కూడా టచ్ చేయని రికార్డ్ ఆయనది
ఆమెకు ప్రత్యేకమైన స్క్రీన్ ప్రెజెన్స్ ఉండేది. తక్కువ సమయంలోనే ప్రేక్షకుల మనసుల్లో స్థానం సంపాదించుకుంది. పట్టుదలతో మరిన్ని అవకాశాలను అందిపుచ్చుకుంటూ ఎదుగుతున్న సమయంలో ఈ విషాదం చోటుచేసుకోవడం సినీ పరిశ్రమకు పెద్ద లోటుగా మారింది. దివ్యాంక సిరోహి ఎంతో చురుకైన, ఆనందంగా ఉండే వ్యక్తిగా అందరికీ తెలిసింది. ఆమెతో పనిచేసిన వారు ఆమెను కష్టపడి పనిచేసే, వినయంగా ఉండే వ్యక్తి అని తెలిపారు.
ఇది కూడా చదవండి: రాత్రంతా స్పెషల్ సాంగ్ షూటింగ్.. తెల్లవారితే పెళ్లి..! ఈ హీరోయిన్ డెడికేషన్కు హ్యాట్సాఫ్ చెప్పాల్సిందే
