Shruti Haasan: బ్రేకప్ రూమర్స్ పై శ్రుతిహాసన్ క్లారిటీ.. ఎట్టకేలకు అసలు విషయం చెప్పిన హీరోయిన్..

అలాగే కొన్ని రోజులుగా సినిమా ఈవెంట్స్, పార్టీలకు శ్రుతి ఒంటరిగానే హాజరవుతుండడంతో ఈ వార్తలకు మరింత బలం చేకూరింది. అయితే తమ బ్రేకప్ విషయాన్ని వీరిద్దరు ఇప్పటివరకు అధికారికంగా ప్రకటించలేదు. గతంలో తమ లవ్, బ్రేకప్ గురించి మాట్లాడేందుకు శంతను నిరాకరించాడు. తాజాగా ఈ వార్తలపై క్లారిటీ ఇచ్చింది శ్రుతి హాసన్. మొదటిసారి బ్రేకప్ గురించి రియాక్ట్ అయ్యింది.

Shruti Haasan

Rajitha Chanti |
Updated on: May 24, 2024 | 8:18 AM

ప్రస్తుతం శ్రుతి హాసన్ బ్యాక్ టూ బ్యాక్ సినిమాలతో ఫుల్ ఫాంలో ఉంది. ఇటీవలే సలార్ సినిమాతో సూపర్ హిట్ అందుకుంది. కానీ పర్సనల్ విషయాలతోనే నిత్యం వార్తలలో నిలుస్తుంది. కొన్ని రోజులుగా ఈ బ్యూటీ బ్రేకప్ రూమర్స్ నెట్టింట తెగ వైరలవుతున్నాయి. తన బాయ్ ఫ్రెండ్ శాంతను హజరికాతో బంధానికి ముగింపు పలికినట్లు వార్తలు వచ్చాయి. వీరిద్దరు ఒకరినొకరు ఇన్ స్టాలో అన్ ఫాలో చేసుకోవడంతో ఈ వార్తలకు మరింత బలం చేకూరింది. అలాగే కొన్ని రోజులుగా సినిమా ఈవెంట్స్, పార్టీలకు శ్రుతి ఒంటరిగానే హాజరవుతుండడంతో ఈ వార్తలకు మరింత బలం చేకూరింది. అయితే తమ బ్రేకప్ విషయాన్ని వీరిద్దరు ఇప్పటివరకు అధికారికంగా ప్రకటించలేదు. గతంలో తమ లవ్, బ్రేకప్ గురించి మాట్లాడేందుకు శంతను నిరాకరించాడు. తాజాగా ఈ వార్తలపై క్లారిటీ ఇచ్చింది శ్రుతి హాసన్. మొదటిసారి బ్రేకప్ గురించి రియాక్ట్ అయ్యింది.

సోషల్ మీడియాలో ఎప్పుడూ యాక్టివ్ గా ఉండే శ్రుతిహాసన్.. తాజాగా ఇన్ స్టాలో లైవ్ సెషన్ నిర్వహించింది. ఈ క్రమంలోనే ఓ నెటిజన్ సింగిల్ లేదా కమిటెడ్ ఆ అంటూ ప్రశ్నించాడు. ఇందుకు శ్రుతి రియాక్ట్ అవుతూ ప్రస్తుతం తాను ఒంటరిగానే ఉన్నానంటూ చెప్పుకొచ్చింది. “ఇలాంటి ప్రశ్నలకు సమాధానమివ్వడం నాకు సంతోషంగా అనిపించదు. కానీ ఇప్పుడు నేను ఒంటరిగానే ఉన్నాను. మింగిల్ అయ్యేందుకు ఇష్టపడతాను. అలాగే పని చేస్తున్నాను.. నా జీవితాన్ని ఆనందిస్తున్నాను” అంటూ చెప్పుకొచ్చింది. దీంతో శంతనుతో శ్రుతి హాసన్ విడిపోయింది అనే విషయంలో క్లారిటీ వచ్చిందంటున్నారు నెటిజన్స్.

గతంలో బ్రేకప్ రూమర్స్ పై శంతను హజారికను ప్రశ్నించగా.. “నన్ను క్షమించండి. నేను దానిపై మాట్లాడేందుకు ఇష్టపడను” అని అన్నారు. కానీ వీరిద్దరు విడిపోవడం నిజమే అని.. ఇద్దరి మధ్య మనస్పర్థలు రావడంతో స్నేహపూర్వకంగా విడిపోవాలని నిర్ణయించుకున్నారని సన్నిహితులు అంటున్నారు. అయితే వీటిపై అధికారిక స్పష్టత రావాల్సి ఉంది. ప్రస్తుతం శ్రుతి హాసన్ సలార్ 2 చిత్రంలో నటిస్తుంది.