RRR: ఐటెం సాంగ్ ఉందా మావా ?.. నెటిజన్ ప్రశ్నకు  కౌంటరిచ్చిన ఆర్ఆర్ఆర్ చిత్రయూనిట్.

యంగ్ టైగర్ ఎన్టీఆర్, మెగా పవర్ స్టార్ రామ్ చరణ్ కలిసి నటిస్తున్న ఆర్ఆర్ఆర్ సినిమా కోసం ప్రేక్షకులు ఎంతో ఆసక్తిగా ఎదురుచూస్తున్నారు. జక్కన్న ఎంతో ప్రతిష్టాత్మకంగా తెరకెక్కిస్తున్న ఈ సినిమాపై అంచనాలు భారీగానే ఉన్నాయి. బాలీవుడ్, హాలీవుడ్ భారీ తారగణంతో రూపొందుతున్న ఆర్ఆర్ఆర్ సినిమాను చూసేందుకు దేశవ్యాప్తంగా ఆడియోన్స్ ఎక్సైట్ అవుతున్నారు. ఇప్పటికే ఈ సినిమా నుంచి విడుదలైన పోస్టర్స్, సాంగ్స్ నెట్టింట్లో సంచలనం సృష్టించాయి. ముఖ్యంగా నాటు నాటు వీర నాటు పాట సోషల్ మీడియాలో ట్రెండ్ అవుతున్న సంగతి తెలిసిందే.ఇక నిన్న విడుదలైన జననీ పాటకు మంచి రెస్పాన్స్ వస్తుంది.

ఇదిలా ఉంటే.. ఈ సినిమాలో ఐటెం సాంగ్ ఉందా మావా అని ఓ నెటిజన్ ఆర్ఆర్ఆర్ చిత్రయూనిట్ ను ప్రశ్నిస్తూ ట్వీట్ చేశాడు. దీనికి స్పందించిన ఆర్ఆర్ఆర్ టీం… ఏ నువ్వు చేస్తావా అంటూ హిలేరియస్ రిప్లై ఇచ్చింది. ఆర్ఆర్ఆర్ టీం ఇలా నెటిజన్స్ ట్వీట్లకు స్పందించడం మొదటి సారి కాదు. గతంలో కూడా అనేకసార్లు నెటిజన్స్ ప్రశ్నలకు సమాధానమిచ్చింది. ప్రస్తుతం ఇందుకు సంబంధించిన ట్వీట్ నెట్టింట్లో చక్కర్లు కొడుతుంది.

ట్వీట్..

Ye Nuvvu Chesthaaavaa… pic.twitter.com/d2xoLHParR

— RRR Movie (@RRRMovie) November 26, 2021

ఈ చిత్రాన్ని డీవీవీ ఎంటర్‏టైన్మెంట్స్, పెన్ స్టూడియోస్, లైకా సంయుక్తంగా నిర్మిస్తున్నారు. ఇక ఈ సినిమా ఇప్పటికే విడుదల కావాల్సి ఉండగా కరోనా, చిత్రీకరణ ఆలస్యం కావడం లాంటి కారణాలతో వాయిదా పడుతూ వచ్చింది. అయితే ఎట్టకేలకు ఈ చిత్రాన్ని వచ్చే ఏడాది జనవరి 7న విడుదల చేయనున్నట్లు ప్రకటించిన విషయం తెలిసిందే.’

Also Read: Prabhas: హైదరాబాదీలకు శుభవార్త.. ప్రభాస్‌, నాగ అశ్విన్‌ చిత్రంలో నటించే లక్కీ ఛాన్స్‌ కొట్టేయండి..

Bigg Boss 5 Telugu Promo: సిరి వదిలేస్తున్నావా ?.. ప్రియుడు శ్రీహాన్ మాటలకు బోరున ఏడ్చేసింది.. ప్రోమో.. 

ఇన్‏స్టాగ్రామ్‏లో ఐఫోన్ ట్రెండ్ మాములుగా లేదుగా.. తెగ అట్రాక్ట్ అవుతున్న సెలబ్రిటీస్.. వీడియోస్ వైరల్..