RGV’s Kondaa: గ్రాండ్గా కొండా ప్రీరిలీజ్ ఈవెంట్.. ముఖ్య అతిథిగా రేవంత్ రెడ్డి
సంచలన దర్శకుడు రామ్ గోపాల్ వర్మ సినిమా వస్తుందంటే ప్రేక్షకుల్లో తెలియని ఆసక్తి నెలకొంటుంది. ఆయన సినిమాల్లో వాస్తవం ఉంటుంది అదే వివాదానికి దారితీస్తుంటుంది.
సంచలన దర్శకుడు రామ్ గోపాల్ వర్మ(RGV) సినిమా వస్తుందంటే ప్రేక్షకుల్లో తెలియని ఆసక్తి నెలకొంటుంది. ఆయన సినిమాల్లో వాస్తవం ఉంటుంది అదే వివాదానికి దారితీస్తుంటుంది. ఆర్జీవీకి వివాదాలు కొత్తేమీ కాదు. తాజాగా ఆయన తెరకెక్కించిన లేటెస్ట్ మూవీ కొండా. కొండా మురళి, కొండా సురేఖల జీవిత కథతో రామ్ గోపాల్ వర్మ తెరకెక్కిస్తున్న సినిమా ‘కొండా’. నక్సలిజం, రాజకీయ బ్యాగ్డ్రాప్ నేపథ్యంలో ఈ సినిమా కథాంశం ఉండనుంది.ఈ సినిమాను జూన్ 23న ప్రపంచవ్యాప్తంగా ఈ సినిమా ప్రేక్షకుల ముందుకు రానుంది. ఈ నేపథ్యంలోనే చిత్ర యూనిట్ ప్రీరిలీజ్ ఈవెంట్ను నిర్వహిస్తోంది. ఇప్పటికే ఈ సినిమాకు సంబంధించ విడుదలైన టీజర్లు, ట్రైలర్లు సినిమాపై అంచనాలు పెంచేశాయి. తాజాగా ఈ ప్రీరిలీజ్ ఈవెంట్ వరంగల్ లో జరుగుతోంది.
వరంగల్లోని ఖుష్ మహల్ గ్రౌండ్లో ఈవెంట్ సాయంత్రం జరుగుతోంది. ఈ ఈవెంట్కు టీపీసీసీ అధ్యక్షుడు రేవంత్ రెడ్డిని ముఖ్య అతిథిగా హాజరయ్యారు. రేవంత్ ప్రీరిలీజ్ ఈవెంట్ కు రావడంతో అందరిలోనూ ఆసక్తి రేకెత్తిస్తోంది. అదిత్ అరుణ్, ఐరా మోర్, పృథ్వీరాజ్ ప్రధాన పాత్రలో నటిస్తున్న ఈ సినిమాకు సంబంధించిన ఇప్పటికే విడుదలైన మొదటి ట్రైలర్ సినిమా ఒక్కసారిగా అంచనాలు పెంచేసింది.