Rashmika Mandanna: ఆ విషయంలో హెల్ప్ చేసిన వ్యక్తికి రష్మిక థ్యాంక్స్.. వైరల్ అవుతున్న నేషనల్ క్రష్ పోస్ట్..
ఢిల్లీలో మొదటిసారి..ఫ్యాషన్ వీక్లో మొదటిసారి. నా కడుపులో సీతాకొక చిలుకలు ఉన్నట్టుగా అనిపిస్తుంది. నేను ప్రో మోడల్ లాగా నడిచేందుకు ప్రయత్నించాను.
నార్త్, సౌత్ ఇండస్ట్రీని ఏలేస్తుంది నేషనల్ క్రష్ రష్మిక (Rashmika Mandanna). టాలీవుడ్, కోలీవుడ్, బాలీవుడ్ ఇలా భాషతో సంబంధం లేకుండా వరుస ఆఫర్లతో దూసుకుపోతుంది. చేతి నిండా సినిమాలతో బిజీగా ఉన్న ఈ అమ్మడు.. మొదటిసారి ఫ్యా్షన్ వీక్లో పాల్గొంది. ఎప్పటిలాగే తన నవ్వుతూ.. తన స్టైల్లో చిలిపి ఎక్స్ప్రెషన్స్తో.. రెడ్ కలర్ లెహాంగాలో మరింత అందంగా కనిపించి స్పెషల్ అట్రాక్షన్గా నిలిచింది. ప్రస్తుతం ఆమెకు సంబంధించిన వీడియోస్, ఫోటోస్ సోషల్ మీడియాలో తెగ వైరల్ అవుతున్నాయి. అంతేకాకుండా తాను మొదటి సారి ఫ్యాషన్ షోలో పాల్గొనడానికి.. ర్యాంప్ వాక్ చేసేందుకు సహాయం చేసిన వ్యక్తికి స్పెషల్ థ్యాంక్స్ చెబుతూ ఇన్ స్టాలో పోస్ట్ పెట్టింది నేషనల్ క్రష్.
“ఢిల్లీలో మొదటిసారి..ఫ్యాషన్ వీక్లో మొదటిసారి. నా కడుపులో సీతాకొక చిలుకలు ఉన్నట్టుగా అనిపిస్తుంది. నేను ప్రో మోడల్ లాగా నడిచేందుకు ప్రయత్నించాను. కానీ అది వర్కవుట్ కాలేదు. కేవలం నేను నవ్వగలను. అదే నా వ్యక్తిత్వం. కానీ నేను మాత్రం అదరగొట్టాను అని అనుకుంటున్నాను. నేను మోడల్ లా నడించేందుకు సహాయం చేసిన వరుణ్కు థ్యాంక్స్. ఇది ఎప్పటికీ ప్రత్యేకంగా నిలిచిపోతుంది. మీ కళ, మీ వైబ్ ను నేను ప్రేమిస్తున్నాను. మనం కలిసి మరిన్ని పనులు చేయాలని కోరుకుంటున్నాను. ఈ పనిని సరదాగా చేసినందకు మీ టీంకు ధన్యావాదాలు” అంటూ పోస్ట్ చేసింది రష్మిక. ప్రస్తుతం రష్మిక చేతిలో గుడ్ బై, యానిమల్, పుష్ప 2, వరిసు చిత్రాలున్నాయి.
ఇన్ స్టా పోస్ట్..
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.