Prabhas: బాలీవుడ్ హీరోయిన్ పై ప్రభాస్ క్రేజీ పోస్ట్.. నీ మ్యాజిక్ చూసేందుకు వెయిటింగ్ అంటూ..
తాజాగా బాలీవుడ్ హీరోయిన్ పై క్రేజీ పోస్ట్ చేశారు. నీ మ్యాజిక్ ప్రపంచం చూసే వరకు వేచి ఉండలేను.. హ్యాపీ బర్త్ డే కృతి సనన్ (Krithi Sanon) అంటూ స్టోరీ పెట్టారు.
యంగ్ రెబల్ స్టార్ ప్రభాస్ (Prabhas) ప్రస్తుతం చేతి నిండా సినిమాలతో బిజీగా ఉన్న సంగతి తెలిసిందే. భారీ బడ్జెట్ ప్రాజెక్ట్స్తో అటు టాలీవుడ్, బాలీవుడ్, కోలీవుడ్ డైరెక్టర్స్తో బిజీ బిజీ షెడ్యూల్ గడిపేస్తున్నాడు డార్లింగ్. ఇప్పటికే ఆదిపురుష్ షూటింగ్ కంప్లీట్ చేసిన ప్రభాస్.. ప్రస్తుతం సలార్, ప్రాజెక్ట్ కె చిత్రీకరణలో పాల్గొంటున్నాడు. అయితే డార్లింగ్ సోషల్ మీడియాలో చాలా తక్కువగా యాక్టివ్‍లో ఉంటారు. ఎప్పుడో ఒకసారి మూవీ అప్డేట్స్ మాత్రమే షేర్ చేసే డార్లింగ్ ఇప్పుడు.. తాజాగా బాలీవుడ్ హీరోయిన్ పై క్రేజీ పోస్ట్ చేశారు. నీ మ్యాజిక్ ప్రపంచం చూసే వరకు వేచి ఉండలేను.. హ్యాపీ బర్త్ డే కృతి సనన్ (Krithi Sanon) అంటూ స్టోరీ పెట్టారు.
బాలీవుడ్ డైరెక్టర్ ఓంరౌత్ దర్శకత్వంలో ప్రభాస్ నటిస్తోన్న సినిమా ఆదిపురుష్. అత్యంత ప్రతిష్టాత్మకంగా తెరకెక్కుతున్న ఈ మూవీలో బాలీవుడ్ స్టార్స్ నటిస్తున్న సంగతి తెలిసిందే. హీరోయిన్గా కృతి సనన్, కీలకపాత్రలో సైఫ్ అలీ ఖాన్ నటిస్తున్నారు. ఇప్పటికే షూటింగ్ కంప్లీట్ చేసుకున్న ఈ సినిమా ప్రస్తుతం పోస్ట్ ప్రొడక్షన్ పనులు జరుపుకుంటుంది.
Prabhas
తాజాగా బుధవారం (జూలై 27న) కృతి సనన్ బర్త్ డే కావడంతో ఆమెకు విషెష్ చెబుతూ పోస్ట్ చేశారు ప్రభాస్. ” పుట్టినరోజు శుభాకాంక్షలు కృతి సనన్. మీరు ఎప్పుడూ నవ్వుతూ ఉండాలి. ఆదిపురుష్ సినిమాలో మీ మ్యాజిక్ ని ప్రపంచం చూసే వరకు వేచి ఉండలేను” అంటూ క్యాప్షన్ ఇచ్చారు. ప్రస్తుం డార్లింగ్ చేసిన పోస్ట్ నెట్టింట తెగ వైరల్ అవుతుంది.
