Mahesh Babu: ఇది కదా కిక్ అంటే..! మహేష్ బాబు సినిమా గురించి రాజమౌళి కామెంట్స్..

మహేష్ బాబు రీసెంట్ గా గుంటూరు కారం సినిమాతో ప్రేక్షకుల ముందుకు వచ్చారు. త్రివిక్రమ్ దర్శకత్వంలో తెరకెక్కిన ఈ సినిమా ఆశించిన స్థాయిలో ప్రేక్షకులను ఆకట్టుకోలేకపోయింది. భారీ అంచనాల మధ్య విడుదలైన ఈ సినిమాకు మిక్స్డ్ టాక్ వచ్చింది. ఆ తర్వాత ఈ సినిమాకు పాజిటివ్ టాక్ వచ్చింది. అలాగే కలెక్షన్స్ కూడా ఈ సినిమాకు భారీగానే వచ్చాయి. ఇక ఇప్పుడు మహేష్ బాబు దర్శకధీరుడు రాజమౌళి డైరెక్షన్ లో సినిమా చేస్తున్నారు. ఈ సినిమా కోసం వెయ్యి కళ్ళతో ఎదురుచూస్తున్నారు సూపర్ స్టార్ ఫ్యాన్స్.. ఈ సినిమా పాన్ వరల్డ్ నేపథ్యంలో తెరకెక్కుతోంది. ఈ సినిమా కథను ఇప్పటికే స్టార్ డైరెక్టర్ విజయేంద్ర ప్రసాద్ సిద్ధం చేశారు. ఈ సినిమా ఆఫ్రికన్ అడవుల నేపథ్యంలో ఉంటుందని టాక్ వినిపిస్తుంది. ఈ సినిమాలో మహేష్ చాలా డిఫరెంట్ గా కనిపించనున్నారట.

మహేష్ బాబును మునుపెన్నడూ చూడని విధంగా చూపించేందుకు జక్కన్న ప్లాన్ చేస్తున్నారు. ఇందుకోసమే మహేష్ కు ఓ కండీషన్ కూడా పెట్టారు రాజమౌళి. సినిమా మొదలయ్యే వరకు బయట ఫంక్షన్స్ కు, పబ్లిక్ ప్లేస్ లకు వెళ్లకూడదని కండీషన్ పెట్టారట జక్కన్న. ఈసినిమాలో మహేష్ రఫ్ లుక్ లో కనిపిస్తారని తెలుస్తోంది. ఈ సినిమా నుంచి ఏదైనా చిన్న అప్డేట్ కానీ లీక్ కానీ వస్తుంది ఆసక్తిగా ఎదురుచూస్తున్నారు ఫ్యాన్స్.

తాజాగా మహేష్ బాబు సినిమా పై రాజమౌళి ఆసక్తికర కామెంట్స్ చేశారు. ఇటీవల రాజమౌళి బళ్లారిలోని అమృతేశ్వర ఆలయ ప్రారంభోత్సవానికి వెళ్లిన విషయం తెలిసిందే. ఈ సందర్బంగా ఆయన అక్కడి లోకల్ పొలిటికల్ లీడర్స్ తో మాట్లాడారు. ఈ క్రమంలో మహేష్ బాబుతో సినిమా చేస్తున్నా అని ఆ సినిమాకు ఇంకా పేరు పెట్టలేదు.. త్వరలోనే షూటింగ్ మొదలు పెడుతున్నాం అని చెప్పారు. ఇందుకు సంబందించిన వీడియో సోషల్ మీడియాలో వైరల్ గా మారింది. ఈ వీడియోను మహేష్ అభిమానులు తెగ షేర్ చేస్తున్నారు. ఈ సినిమా ప్రారంభోత్సవానికి హాలీవుడ్ దర్శకుడు జేమ్స్ కామెరూన్ హాజరు కానున్నారని టాక్ వినిపిస్తుంది. మరి ఈ వార్తల్లో వాస్తవమెంత అన్నది తెలియాల్సి ఉంది.

మరిన్ని సినిమా వార్తల కోసం ఇక్కడ క్లిక్ చేయండి