Allu Arjun: స్టైలిష్ లుక్లో పుష్పరాజ్.. అల్లు అర్జున్ న్యూలుక్ అదిరిపోయింది.. నెట్టింటిని షేక్ చేస్తోన్న సింగిల్ పిక్..
తాజాగా ఆయన ట్విట్టర్ ప్రొఫైల్ పిక్చర్ మార్చారు. బ్లాక్ షర్ట్ లో కర్లీ హెయిర్ తో ఎంతో స్టైలిష్ గా కనిపిస్తున్నారు బన్నీ.
Updated on: Feb 17, 2023 | 12:06 PM
డైరెక్టర్ సుకుమార్ తెరకెక్కించిన పుష్ప చిత్రంతో ఐకాన్ స్టార్ అల్లు అర్జున్ క్రేజ్ ఒక్కసారిగా మారిపోయింది. ఈ సినిమాతో పాన్ ఇండియా స్టార్గా ఫాలోయింగ్ సంపాదించుకున్నారు. ఈ సినిమాతో ఉత్తరాదిలో బన్నీకి ఫ్యాన్స్ మరింత పెరిగిపోయారు. దీంతో బన్నీ నెక్ట్స్ ప్రాజెక్ట్స్ కోసం ఆసక్తిగా ఎదురుచూస్తున్నారు. ప్రస్తుతం అల్లు అర్జున్ పుష్ప 2 చిత్రీకరణలో పాల్గొంటున్నారు. కొద్ది రోజులుగా ఈ మూవీ షూటింగ్ శరవేగంగా జరుగుతుంది. ఇందులో మలయాళం నటుడు ఫహద్ ఫాజిల్, నేషనల్ క్రష్ రష్మిక మందన్నా కీలకపాత్రలలో నటిస్తున్నారు. ఓవైపు పుష్ప 2 షూటింగ్ లో పాల్గొంటూనే మరోవైపు సోషల్ మీడియాలో ఫుల్ యాక్టివ్ గా ఉంటారు బన్నీ. తాజాగా ఆయన ట్విట్టర్ ప్రొఫైల్ పిక్చర్ మార్చారు. బ్లాక్ షర్ట్ లో కర్లీ హెయిర్ తో ఎంతో స్టైలిష్ గా కనిపిస్తున్నారు బన్నీ.
సూపర్ స్టైలిష్ నయ లుక్లో కనిపిస్తున్న ఈ పిక్ ఎప్పటిదో తెలియదు కానీ.. ప్రస్తుతం మాత్రం సోషల్ మీడియాను షేక్ చేస్తుంది. దీంతో ఈ పిక్ ను తెగ షేర్ చేస్తున్నారు అభిమానులు. పుష్ చిత్రంలో పక్క ఊరమాస్ లుక్కులో కనిపించిన బన్నీ.. ఇప్పుడు పుష్ప 2 చిత్రీకరణలో ఎలాంటి అవతారంలో కనిపిస్తారనే క్యూరియాసిటీ మాత్రం కాస్త ఎక్కువగానే ఉంది. అలాగే పుష్ప 2 స్క్రీప్ట్ లో కొన్ని మార్పులు చేర్పులు చేస్తున్నట్లుగా తెలుస్తోంది.
ఇక ఇప్పటివరకు పుష్ప సినిమాలో కనిపించిన క్యారెక్టర్స్ కాకుండా కొత్త క్యారెక్టర్స్ కూడా కనిపించనున్నట్లుగా తెలుస్తోంది. ఇందులో విజయ్ సేతుపతి, సాయి పల్లవి నటించనున్నారని ముందు నుంచి టాక్ వినిపిస్తోంది. అయితే దీనిపై ఇప్పటివరకు ఎలాంటి అధికారిక అప్డేట్ లేదు. దాదాపు రూ. 350 కోట్ల బడ్జెట్ తో నిర్మిస్తున్న ఈ మూవీపై ఇప్పటికే భారీ అంచనాలు నెలకొన్నాయి.
Allu Arjun
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.
