రైల్వే నిబంధనలలో కీలక మార్పు.. మీ బోర్డింగ్ స్టేషన్‌లో రైలు ఎక్కకపోతే, మీ సీటు గోవిందా..?

భారతీయ రైల్వే శాఖ కీలక నిర్ణయం తీసుకుంది. ఈ కీలక మార్పును అమలులోకి రాబోతుంది. ఇది లక్షలాది మంది ప్రయాణికులను ప్రత్యక్షంగా ప్రభావితం చేస్తుంది. రైలు బోర్డింగ్ నియమాలలో మార్పులు తీసుకువచ్చింది. కొత్త వ్యవస్థ అమలులోకి వచ్చిన తర్వాత, ఒక ప్రయాణీకుడు వారికే కేటాయించిన బోర్డింగ్ స్టేషన్ నుండి రైలు ఎక్కకపోతే, TTE తదుపరి స్టేషన్ వరకు వారి కోసం వేచి ఉండరు. రైలు బోర్డింగ్ స్టేషన్ దాటి కదిలిన వెంటనే, ప్రయాణీకులు వారి సీటులో కనిపించకపోతే, వారి సీటు ఖాళీగా పరిగణిస్తారు. కొత్త నిబంధనల ప్రకారం, తనిఖీ సమయంలో, TTE మొదట వారి హ్యాండ్‌హెల్డ్ పరికరంలో నమోదు చేస్తారు. ప్రయాణీకుడు స్టేషన్ నుండి ఎక్కలేదని ఇది సూచిస్తుంది. ప్రయాణికులు సకాలంలో రాకపోతే, సీటు ఖాళీగా ఉన్నట్లు సిస్టమ్ పరిగణిస్తుంది.

దీంతో వెయిటింగ్ లిస్ట్‌, RAC టిక్కెట్లలో ప్రయాణించే ప్రయాణీకులకు ఈ రైల్వే మార్పు వల్ల ఎక్కువ ప్రయోజనం చేకూరుతుంది. సీటు ఖాళీగా ఉన్నట్లు ప్రకటించిన వెంటనే, రైల్వే వ్యవస్థ ఆ బెర్త్‌ను వెయిటింగ్ లిస్ట్‌లోని తదుపరి ప్రయాణీకుడికి ఆటోమెటిక్‌గా కేటాయిస్తుంది. సీటు కేటాయించిన తర్వాత, ప్రయాణీకుల మొబైల్ ఫోన్‌కు మెసెజ్ పంపడం జరుగుతుంది. ఇది తక్షణ నిర్ధారణను అందిస్తుంది.

ఈ కొత్త వ్యవస్థను అమలు చేయడానికి అవసరమైన మార్పులు చేయాలని రైల్వే మంత్రిత్వ శాఖ రైల్వే సమాచార వ్యవస్థను ఆదేశించింది. రైల్వే సమాచార వ్యవస్థకు ఈ బాధ్యత అప్పగించింది. వ్యవస్థను అప్‌డేట్ తర్వాత, దేశవ్యాప్తంగా ఉన్న రైళ్లలో ఈ నియమాన్ని అమలు చేయవచ్చు. దీని వలన ఖాళీ సీట్ల మెరుగైన నిర్వహణకు వీలు కలుగుతుంది.

రైల్వే డేటా ప్రకారం, ప్రతి రైలులో దాదాపు 3 నుండి 5 శాతం మంది ప్రయాణికులు తమ ప్రయాణాన్ని రద్దు చేసుకుంటారు. లేదా సమయానికి బోర్డింగ్ స్టేషన్‌కు చేరుకోలేరు. ఈ ప్రయాణికులు ఇప్పుడు మరింత అప్రమత్తంగా ఉండాల్సిన అవసరం ఉందని నిపుణులు అంటున్నారు. ఏదైనా కారణం చేత, ప్రయాణీకుడు షెడ్యూల్ చేసిన స్టేషన్ కాకుండా వేరే స్టేషన్‌లో ఎక్కితే, చార్ట్ తయారీకి కనీసం 24 గంటల ముందు బోర్డింగ్ స్టేషన్‌ను మార్చాలి. అలా చేయకపోతే మరొకరికి సీటు కేటాయిస్తారు. ప్రయాణీకుడు దానిని క్లెయిమ్ కూడా చేయలేరు. డిజిటలైజేషన్ వైపు ఈ నిర్ణయం ఒక ప్రధాన అడుగు అని భారత రైల్వేస్ విశ్వసిస్తున్నాయి. ఇది సీట్ల కేటాయింపు ప్రక్రియను పూర్తిగా పారదర్శకంగా చేస్తుంది. ఖాళీ సీట్లకు సంబంధించిన జాప్యాలు, ఫిర్యాదులను తగ్గిస్తుంది. గతంలో, వేచి ఉన్న ప్రయాణీకులు తదుపరి స్టేషన్‌లో TTE వేచి ఉండటం వల్ల ఇబ్బందులను ఎదుర్కొన్నారు. కానీ ఇప్పుడు, రియల్-టైమ్ ఆప్‌డేట్‌తో, ప్రయాణీకులు త్వరగా సీటు పొందగలుగుతారు.

మరిన్ని జాతీయ వార్తల కోసం ఇక్కడ క్లిక్ చేయండి..