Prabhas: సలార్ సినిమాకు తప్పని లీకుల బెడద.. మాస్ లుక్‏లో అదిరిపోయిన డార్లింగ్..

కొద్దిరోజులు ఫ్యామిలీతో గడిపిన డార్లింగ్.. ఇటీవలే తిరిగి షూటింగ్స్‏లో పాల్గోంటున్నారు. కేజీఎఫ్ డైరెక్టర్ ప్రశాంత్ నీల్ దర్శకత్వంలో ప్రభాస్ నటిస్తున్న సలార్ మూవీ షూటింగ్ హైదరాబాద్‏లో జరుగుతుంది. ఇందులో శ్రుతి హాసన్ కథానాయికగా నటిస్తోంది.

Salaar

Rajitha Chanti |
Updated on: Sep 25, 2022 | 9:39 AM

యంగ్ రెబల్ స్టార్ ప్రభాస్ సినిమాల కోసం అభిమానులు ఎంతో ఆసక్తిగా ఎదురుచూస్తున్నారు. ప్రస్తుతం వరుస ప్రాజెక్ట్స్‏తో బిజీ బిజీగా ఉన్న డార్లింగ్ త్వరలోనే ఫ్యాన్స్‏కు ఫుల్ మీల్స్ ఇవ్వబోతున్నారు. అంతేకాదు.. ప్రభాస్ ప్రస్తుతం చేస్తున్న సినిమాలన్ని భారీ బడ్జెట్ పాన్ ఇండియా చిత్రాలు కావడంతో అంచనాలు ఎక్కువగానే ఉన్నాయి. అయితే కొంతకాలంగా చేతినిండా సినిమాలతో క్షణం తీరిక లేకుండా గడుపుతున్న ప్రభాస్.. ఇటీవల ఆయన పెద్దనాన్న కృష్ణంరాజు మరణంతో షూటింగ్స్‏కు బ్రేక్ ఇచ్చాడు. కొద్దిరోజులు ఫ్యామిలీతో గడిపిన డార్లింగ్.. ఇటీవలే తిరిగి షూటింగ్స్‏లో పాల్గోంటున్నారు. కేజీఎఫ్ డైరెక్టర్ ప్రశాంత్ నీల్ దర్శకత్వంలో ప్రభాస్ నటిస్తున్న సలార్ మూవీ షూటింగ్ హైదరాబాద్‏లో జరుగుతుంది. ఇందులో శ్రుతి హాసన్ కథానాయికగా నటిస్తోంది.

ఇదిలా ఉంటే.. సలార్ చిత్రానికి లీకుల బెడద తగ్గడం లేదు. గతంలో షూటింగ్ సెట్స్ నుంచి ప్రభాస్ లుక్ లీక్ అయిన సంగతి తెలిసిందే. తాజాగా మరోసారి ప్రభాస్ యాక్షన్ సన్నివేశానికి చెందిన ఓ పిక్ నెట్టింట వైరలవుతుంది. అందులో డార్లింగ్ ఫుల్ మాస్ అండ్ రఫ్ లుక్ లో అదిరిపోయారు. ఇక డార్లింగ్ లుక్ చూసి అభిమానులు ఫుల్ ఖుషి అవుతుండగా.. ప్రశాంత్ నీల్ తెరకెక్కించే సలార్ చిత్రంపై మరింత క్యూరియాసిటీ పెరిగిపోతుందంటూ కామెంట్స్ చేస్తున్నారు. ఈ సినిమాను హోంబలే ఫిల్మ్స్ నిర్మిస్తున్నారు.

ఇవి కూడా చదవండి

ఈ సినిమా జగపతి బాబు, పృథ్వీరాజ్ సుకుమారన్, మధు గురుస్వామి, ఈశ్వరీ రావు కీలకపాత్రలలో నటించనున్నారు. ఈ చిత్రానికి రవి బస్రూర్ సంగీతం అందిస్తున్నారు. ఈ సినిమా కాకుండా ప్రభాస్ స్పిరిట్, ప్రాజెక్ట్ కె చిత్రాల్లో నటిస్తున్నారు. మరోవైపు డైరెక్టర్ ఓంరౌత్, ప్రభాస్ కాంబోలో రాబోతున్న ఆదిపురుష్ షూటింగ్ కంప్లీట్ చేసుకుని విడుదలకు సిద్ధమవుతుంది. ఈ మూవీ ఫస్ట్ లుక్ కోసం ఫ్యాన్స్ ఆసక్తిగా ఎదురుచూస్తున్నారు.