OTT : ఒకేసారి రెండు ఓటీటీల్లో రానున్న శింబు కొత్త సినిమా.. అవేంటంటే

తమిళ్ స్టార్ శింబు నటించిన లేటెస్ట్ మూవీ పత్తు తలా. యాక్షన్‌ థ్రిల్లర్‌ గా తెరకెక్కిన ఈ సినిమా ప్రేక్షకులను మెప్పించింది. ఎన్‌.కృష్ణ దర్శకత్వం వహించిన ఈ సినిమాలో శింబు డిఫరెంట్ లుక్ లో కనిపించి ఆకట్టుకున్నాడు. ఇక ఈ సినిమాలో గౌతమ్‌ కార్తీక్‌, ప్రియా భవానీశంకర్‌, గౌతమ్‌ మేనన్‌ ఇతర కీలక పాత్రల్లో నటించి మెప్పించారు. మార్చి 30న ఈ సినిమా థియేటర్లలో విడుదలైన ఈ సినిమా మంచి సక్సెస్  సాధించింది. ఇక ఇప్పుడు ఈ సినిమా ఓటీటీలోకి రానుంది. కన్నడలో ఘన విజయం సాధించిన ‘మఫ్టీ’ సినిమాకు రీమేక్‌గా ‘పత్తుతలా’ తెరకెక్కిన విషయం తెలిసిందే. ఇప్పుడు ఈ సినిమా ఒకేసారి రెండు ఓటీటీల్లో రానుంది.

ఈ నెల 27న ఈ సినిమా ఓటీటీ రిలీజ్‌ ఉండబోతోంది. ఇప్పుడు అమెజాన్‌ ప్రైమ్‌, సింప్లీ సౌత్‌ ఓటీటీలో రానుంది ఈ సినిమా. ఇసుక మాఫియా నేపథ్యంలో తెరకెక్కిన ఈ సినిమాలో శింబు ఏజీఆర్‌గా నటించి మెప్పించారు. ఈ సినిమా తెలుగు వెర్షన్‌ను రిలీజ్‌ చేయలేదు.

ఇక ఈ సినిమాను ఎప్పుడెప్పుడు చూద్దాం అని ప్రేక్షకులు ఎదురుచూస్తున్నారు. ఓటీటీలోనూ తమిళ వెర్షన్‌ మాత్రమే ఉంటుందని ప్రకటించారు. రూ.35 కోట్ల బడ్జెట్‌తో తెరకెక్కించిన ఈ సినిమా మంచి వసూళ్ళు సాధించింది.