Cinema : 26 ఏళ్ల యూట్యూబర్.. 6 కోట్లతో తీసిన సినిమా.. కట్ చేస్తే.. 2వేల కోట్ల కలెక్షన్లతో బాక్సాఫీస్ షేక్ చేస్తుంది..
ఎలాంటి అంచనాలు లేకుండా విడుదలైన ఒక చిన్న సినిమా ఇప్పుడు ప్రపంచవ్యాప్తంగా థియేటర్లలను షేక్ చేస్తుంది. కేవలం రూ.6 కోట్లతో తెరకెక్కించిన ఈ మూవీ బాక్సాఫీస్ వద్ద రూ.2143 కోట్లకు పైగా వసూళ్లు రాబట్టింది. ఇప్పుడు ప్రపంచం మొత్తం ఈ సినిమా గురించే మాట్లాడుకుంటున్నారు. ఇంతకీ ఈ సినిమా ఏంటో మీకు తెలుసా.. ? అయితే ఈ మూవీ గురించి పూర్తి వివరాలు తెలుసుకుందాం.
Updated on: Jun 13, 2026 | 8:21 AM
26 ఏళ్ల అమెరికన్ యూట్యూబర్ అయిన కర్రీ బార్కర్, ఈ ఇంటర్నెట్ యుగంలో ప్రతిభ ఉంటే ఎవరైనా ప్రపంచ దృష్టిని ఆకర్షించగలరని నిరూపించారు. బార్కర్ తెరకెక్కించిన స్వతంత్ర సైకలాజికల్ హారర్ చిత్రం ‘అబ్సెషన్’ ప్రస్తుతం ప్రపంచవ్యాప్తంగా బాక్సాఫీస్ వద్ద కొత్త చరిత్ర సృష్టిస్తోంది. కేవలం $750,000 (సుమారు రూ. 6.3 కోట్లు) బడ్జెట్తో, అంతగా పరిచయం లేని నటీనటులతో నిర్మించిన ఈ చిత్రం, ప్రపంచవ్యాప్తంగా బాక్సాఫీస్ వద్ద ఇప్పటికే $224.7 మిలియన్లకు పైగా (రూ. 2143 కోట్లు) వసూలు చేసింది. ఈ చిత్ర పంపిణీదారు అయిన హాలీవుడ్ స్టూడియో ఫోకస్ ఫీచర్స్ చరిత్రలోనే ‘అబ్సెషన్’ అత్యధిక వసూళ్లు సాధించిన గ్లోబల్ హిట్గా నిలిచింది. నటుడు కావాలనే బలమైన కోరికతో ఇంటిని విడిచిపెట్టిన కర్రీ బార్కర్, న్యూయార్క్ ఫిల్మ్ అకాడమీలో చదువుతున్నప్పుడు తన స్నేహితుడైన డాక్టర్ కూపర్ టోమ్లిన్సన్ను కలిశాడు. ఆ తర్వాత వారిద్దరూ “దట్స్ ఎ బ్యాడ్ ఐడియా” అనే పేరుతో ఒక యూట్యూబ్ స్కెచ్ కామెడీ ఛానెల్ను ప్రారంభించారు. అందులో షార్ట్ ఫిల్మ్స్, కామెడీ వీడియోలను నిర్మించి గుర్తింపు పొందారు, అలాగే ‘ది చైర్’ అనే హారర్ లఘు చిత్రంతో ఎంతో ప్రశంసలు అందుకున్నారు.
ఎక్కువమంది చదివినవి : Mahesh Babu: మహేష్ ఇమేజ్కు ఆ సినిమా కరెక్ట్ కాదు.. నేను వినుంటే వద్దనేవాడిని.. సూపర్ స్టార్ కృష్ణ..
ఆ తర్వాత 2024లో, వారు తమ మొదటి ఫౌండ్ ఫుటేజ్ ఫీచర్ ఫిల్మ్ ‘మిల్క్ అండ్ సీరియల్’ను యూట్యూబ్లో పూర్తిగా ఉచితంగా విడుదల చేశారు. కేవలం ఏడు రోజుల్లో చిత్రీకరించిన ఆ సినిమా ద్వారానే చిత్ర పరిశ్రమ దర్శకుడు కర్రీ బార్కర్ను గుర్తించడం ప్రారంభించింది. తక్కువ బడ్జెట్తో విభిన్న కథన పద్ధతులతో ప్రయోగాలు చేసిన కారీ బార్కర్, ‘అబ్సెషన్’ చిత్రాన్ని పూర్తిగా తనంతట తానే రాసి, దర్శకత్వం వహించి, ఎడిట్ చేశారు. టొరంటో అంతర్జాతీయ చలనచిత్రోత్సవంలో ప్రీమియర్ అయిన ఈ చిత్రాన్ని ఫోకస్ ఫీచర్స్ సంస్థ సుమారు $15 మిలియన్లకు కొనుగోలు చేసింది. ‘అబ్సెషన్’ బాక్సాఫీస్ వద్ద అద్భుతమైన విజయాన్ని సాధించింది. నాలుగో వారాంతంలో $25.6 మిలియన్ల వసూళ్లతో, 1999లో విడుదలైన ‘ది బ్లెయిర్ విచ్ ప్రాజెక్ట్’ నెలకొల్పిన రికార్డును అధిగమించి, హారర్ చిత్రాల చరిత్రలోనే అత్యధిక నాలుగో వారాంతపు వసూళ్ల రికార్డును కూడా ‘అబ్సెషన్’ సొంతం చేసుకుంది. యూట్యూబ్లోని సాధారణ వీడియోల నుండి తన ప్రస్థానాన్ని ప్రారంభించిన కర్రీ బార్కర్, నేడు హాలీవుడ్లో అత్యంత డిమాండ్ ఉన్న అగ్రశ్రేణి దర్శకులలో ఒకరిగా ఎదిగారు.
ఎక్కువమంది చదివినవి : Sridevi Vijaykumar : ఇప్పుడున్న హీరోలలో అతడంటే పిచ్చి ఇష్టం.. అతడే నా ఫేవరేట్.. హీరోయిన్ శ్రీదేవి విజయ్ కుమార్..
