Paagal Movie : పాగల్ పై క్లారిటీ ఇచ్చిన మాస్ కా దాస్.. ఓటీటీకి వెళ్ళేదే లేదన్న విశ్వక్ సేన్…

Paagal Movie : ఈ నగరానికి ఏమైంది సినిమాతో మంచి హిట్ ను అందుకోవడమేకాకుండా సూపర్ క్రేజ్ ను కూడా సొంతం చేసుకున్నాడు మాస్ హీరో విశ్వక్ సేన్. ఈ నగరానికి ఏమైంది సినిమా తర్వాత ఫలక్ నామ దాస్ సినిమాతో ప్రేక్షకుల ముందుకు వచ్చాడు విశ్వక్. ఈ సినిమా కూడా మంచి విజయాన్ని సొంతం చేసుకుంది. దాంతో మాస్ కా దాస్ అనే టాగ్ ను సొంతం చేసుకున్నాడు. ఇక నాని నిర్మాతగా ,వ్యవహరించిన సస్పెన్స్ థ్రిల్లర్ హిట్ సినిమాతో హ్యాట్రిక్ అందుకున్నాడు ఈ మాస్ కా దాస్. హిట్ సినిమా సక్సెస్ తర్వాత ఇప్పుడు పాగల్ గా ప్రేక్షకుల ముందుకు రావడానికి సిద్ధంగా ఉన్నాడు. ప్ర‌ముఖ నిర్మాత దిల్‌రాజు స‌మ‌ర్ప‌ణ‌లో శ్రీ వెంక‌టేశ్వ‌ర క్రియేష‌న్స్‌, ల‌క్కీ మీడియా ప‌తాకాల‌పై అభిరుచి గల నిర్మాత బెక్కెం వేణుగోపాల్ ఈ చిత్రాన్ని నిర్మిస్తున్నారు. ఈ సినిమాలో విశ్వక్ సేన్ పక్కా రొమాంటిక్ యాంగిల్‌లో కనిపించనున్నారు. ఇటీవలే ఈ సినిమానుంచి టీజర్ ,రెండు పాటలను విడుదల చేశారు.

వీటిలో పాగల్ టైటిల్ సాంగ్ ప్రేక్షకులను ఆకట్టుకుంది. జాతిరత్నాలు సినిమాలో ‘చిట్టి నా బుల్ బుల్ చిట్టి’ అనే పాటపాడిన రామ్ ఈ పాటను ఆలపించారు. ఇక ఈ సినిమా విడుదల పై రకరకాల వార్తలు వినిపిస్తున్నాయి. కరోనా కారణంగా పాగల్ మూవీని ఓటీటీ వేదికగా విడుదల చేసే అవకాశాలు ఉన్నాయంటూ కూడా గుసగుసలు వినిపించాయి. ఈ క్రమంలో హీరో విశ్వక్ సేన్ సినిమా రిలీజ్ పై క్లారిటీ ఇచ్చాడు. ‘పాగల్’ ఓటీటీకి వెళుతుందనే ప్రచారంలో నిజం లేదనీ, ఈ సినిమా థియేటర్లకే వస్తుందని స్పష్టం చేశాడు విశ్వక్ సేన్. త్వరలోనే ఈ సినిమాకు సంబంధించిన మరిన్ని అప్ డేట్స్ అందిస్తామని తెలిపారు. ఇక ఈ సినిమాలో విశ్వక్ సేన్ సరసన నివేద పేతు రాజ్ హీరోయిన్ గా నటిస్తుంది.

మరిన్ని ఇక్కడ చదవండి :

ఫుల్ జోష్ లో ఇస్మార్ట్ శంకర్.. లవర్ బాయ్ నుంచి మాస్ హీరో రేంజ్ కు షిఫ్ట్ .. తగ్గని క్రేజ్ : Ram Pothineni Video.

సీనియర్ నటి పావలా శ్యామలకు చిరంజీవి ఆర్థిక సాయం.. ‘మా’ అసోసియేషన్ మెంబర్ షిప్ కార్డు.. ప్రతి నెల ఫించన్..