Tollywood : ఇంట్లో పడిన దొంగల ఇంటికి ప్రతి నెల డబ్బులు పంపిన స్టార్ హీరో.. కారణం ఇదే..

టాలీవుడ్ ఇండస్ట్రీలో ఫ్యామిలీ హీరోగా గుర్తింపు తెచ్చుకున్నారు. ఇటీవల ఓ ఇంటర్వ్యూలో తన జీవితంలోని పలు ఆసక్తికరమైన విషయాలను, వ్యక్తిగత అనుభవాలను పంచుకున్నారు. ఇతరులకు సహాయం చేయడం ద్వారా పొందే సంతృప్తే తనకు ముఖ్యమని ఆయన అన్నారు. ఈ క్రమంలో, తన ఇంట్లో దొంగతనం చేసిన దొంగలు జైలులో ఉన్నప్పుడు, వారి కుటుంబాలకు నెలనెలా ఆర్థిక సహాయం అందించిన సంఘటనను ఆయన వెల్లడించారు. ఇది కోట్లాది రూపాయల విలువ చేసే సంతృప్తినిచ్చిందని పేర్కొన్నారు. ఇంతకీ ఆ హీరో ఎవరో తెలుసా.. ?

Jagapathi Babu

Rajitha Chanti |
Updated on: Feb 24, 2026 | 5:41 PM

టాలీవుడ్ హీరో జగపతిబాబు తన జీవితంలోని పలు ఆసక్తికరమైన, లోతైన విషయాలను తాజా ఇంటర్వ్యూలో పంచుకున్నారు. ఇతరులకు సహాయం చేయడం ద్వారా పొందే సంతృప్తే తనకు అత్యంత ముఖ్యమని ఆయన అన్నారు. తన ఇంట్లో దొంగతనం చేసిన దొంగలు 2010 లేదా 2012లో జైలులో ఉన్నప్పుడు, వారి కుటుంబాలకు నెలనెలా ఆర్థిక సహాయం అందించినట్లు ఆయన వెల్లడించారు. ఈ పని తనకు కోట్ల విలువ చేసే సంతృప్తినిచ్చిందని పేర్కొన్నారు. డబ్బు పవర్‌ను ఇలాగే వాడాలి. అప్పుడే ఈ ప్రపంచం మరింత మెరుగైన ప్రదేశంగా మారుతుంది అని ఆయన తన అభిప్రాయాన్ని వ్యక్తం చేశారు. హాస్పిటల్‌లో ఆర్థిక ఇబ్బందులతో చికిత్స పొందుతున్న రోగుల బిల్లులను చెల్లించడం, ప్రమాదానికి గురైన పేద యువకులకు చికిత్స చేయించడానికి తన వంతు సహాయం అందించడం వంటి అనేక సంఘటనలను ఆయన గుర్తు చేసుకున్నారు. ఈ రకమైన సహాయం తనకు మానసిక ప్రశాంతతను, ఆనందాన్ని ఇస్తుందని తెలిపారు. అయితే, తన ఉదార స్వభావం వల్ల కొన్నిసార్లు తప్పుడు వ్యక్తులు తనను మోసం చేశారని, కానీ ఇప్పుడు సహాయం చేసే ముందు పరిస్థితులను విశ్లేషించి, అర్హులకు మాత్రమే సహాయం చేస్తున్నానని ఆయన స్పష్టం చేశారు.

ఎక్కువ మంది చదివినవి : Folk Song: ఏం పాట భయ్యా.. కుర్రాళ్లకు పిచ్చేక్కించేసింది.. యూట్యూబ్‏ను ఊపేసిన ఫోక్ సాంగ్..

జగపతిబాబు తన కెరీర్‌లోని ఆర్థికపరమైన సమస్యల గురించి కూడా వివరించారు. కెరీర్ డౌన్‌ఫాల్ ప్రారంభమైన ఆరు నెలలకే ఇల్లు కట్టడం తన జీవితంలో చేసిన ఒక పెద్ద తప్పు అని పేర్కొన్నారు. ఆ సమయంలో పారితోషికాలు తగ్గిపోవడం, సినిమాలు ఫ్లాప్ అవడం వంటివి జరిగాయని, కానీ కుటుంబాన్ని నిరాశపరచకూడదనే ఉద్దేశ్యంతో భారీ అప్పులు చేసి ఇల్లు పూర్తి చేశానని చెప్పారు. ఈ అప్పులకు దాదాపు 15-20 ఏళ్లు వడ్డీలు కట్టానని తెలిపారు. ఈ కష్టకాలంలో తన కుటుంబం తనపై పూర్తి నమ్మకంతో ఉందని, అందుకే ఈ పరిస్థితి నుంచి బయటపడగలిగానని, తాను చాలా అదృష్టవంతుడిని అని ఆయన అన్నారు.

ఎక్కువ మంది చదివినవి : Ramya Krishna : రమ్యకృష్ణ కొడుకు ఇప్పుడేం చేస్తున్నాడంటే.. మొదటిసారి తనయుడి గురించి చెప్పిన కృష్ణ వంశీ..

తన నిర్ణయాల గురించి వస్తున్న విమర్శలపై స్పందిస్తూ, తాను అందరి మాటలు వింటానని, అయితే తుది నిర్ణయం మాత్రం తనదేనని వివరించారు. తాను ఎవరి మాట విని నిర్ణయాలు తీసుకోనని, అన్ని విషయాలు విన్న తర్వాత సరైన నిర్ణయం ఏమిటో తన అంతర్‌దృష్టి చెబుతుందని పేర్కొన్నారు. అంతఃపురం లేదా వెబ్ సిరీస్‌లు చేయడం వంటి తన నిర్ణయాలు అప్పుడప్పుడూ వివాదాస్పదం అయినా, అవి తన సొంత నిర్ణయాలని స్పష్టం చేశారు.

ఎక్కువ మంది చదివినవి : Actress : రాజమౌళి మాటలతో నా గుండె పగిలిపోయింది.. ఆ సినిమా వదులుకోకుండా ఉండాల్సింది.. టాలీవుడ్ హీరోయిన్..