Nawazuddin Siddiqui: “వెంకటేష్ నుంచి అది తప్పకుండ నేర్చుకోవాలి”.. నవాజుద్దీన్ సిద్ధిఖీ ఇంట్రెస్టింగ్ కామెంట్స్

విక్టరీ వెంకటేష్ 75 మైల్ స్టోన్, మోస్ట్ ఎవైటెడ్ మూవీ‘సైంధవ్’. వెరీ ట్యాలెంటెడ్ డైరెక్టర్ శైలేష్ కొలను దర్శకత్వం వహించిన ఈ చిత్రం సంక్రాంతి కానుకగా ప్రేక్షకుల వస్తోంది. ఇప్పటికే విడుదలైన టీజర్, పాటలు, ట్రైలర్ ట్రెమండస్ రెస్పాన్స్ తో హ్యుజ్ బజ్ ని క్రియేట్ చేశాయి. వెర్సటైల్ యాక్టర్ నవాజుద్దీన్ సిద్ధిఖీ ఈ చిత్రంతో తెలుగులో పరిచయం అవుతున్నారు. నిహారిక ఎంటర్‌టైన్‌మెంట్ బ్యానర్‌పై ప్రముఖ నిర్మాత వెంకట్ బోయనపల్లి ప్రతిష్టాత్మకంగా నిర్మించిన ఈ చిత్రం జనవరి 13న గ్రాండ్ గా విడుదల కానుంది. ఈ నేపధ్యంలో నవాజుద్దీన్ సిద్ధిఖీ విలేకర్ల సమావేశంలో చిత్ర విశేషాలని పంచుకున్నారు.

నవాజుద్దీన్ సిద్ధిఖీ మాట్లాడుతూ.. ప్రతి నటుడు ఒక మంచి కథ కోసం ఎదురుచూస్తాడు. నేను కూడా అలా సరైన స్క్రిప్ట్ కోసం ఎదురుచూశాను. అది ‘సైంధవ్’ తో కుదిరింది. చాలా ఆసక్తికరమైన కథ ఇది. వెంకటేష్ గారితో కలసి పని చేయడం ఎవరికైనా ఒక డ్రీం. ఆయనతో కలసి పని చేయడం చాలా అనందంగా వుంది.  నేను ఎప్పుడూ విలన్, హీరో పాత్ర అని చూడలేదు. పాత్ర ఆసక్తికరంగా ఉందా లేదా అనేదే ముఖ్యం. కొన్ని సార్లు పాజిటివ్ రోల్స్ కంటే నెగిటివ్ రోల్స్ లో పెర్ఫార్మ్ చేసే అవకాశం ఎక్కువగా వుంటుంది. సైంధవ్ లో దర్శకుడు శైలేష్ చాలా యూనిక్ రోల్ ని డిజైన్ చేశారు. నటించడానికి చాలా అవకాశం వున్న పాత్ర.

తొలి సినిమాకే డబ్బింగ్ చెప్పుకున్నాను. ఈ విషయంలో దర్శకుడు శైలేష్ ప్రేరణ ఇచ్చారు. నా నటనకు వేరే ఎవరో డబ్బింగ్ చెప్పడం కూడా నాకు ఇష్టం వుండదు. పాత్రలో ఆ డెప్త్ రాదు. ఇందులో నాది హైదరాబాది పాత్ర. హిందీ, కొంచెం తెలుగు రెండూ మాట్లాడే పాత్ర. ఆ పాత్రకు నేను డబ్బింగ్ చెబితేనే న్యాయం జరుగుతుంది. భాషని, భావాన్ని అర్ధం చేసుకొని చెప్పాను. ఏదైనా కొత్త భాష నేర్చుకున్నప్పుడు మొదట్లో కొంత కష్టంగానే వుంటుంది. భాష గురించి తెలుసుస్తున్న కొద్ది అది సులువైపోతుంది. నాకు ప్రామ్టింగ్ మీద నమ్మకం లేదు. ఎంత కష్టమైన నా డైలాగులని నేర్చుకుని చెప్పడమే ఇష్టం. సైంధవ్ లో కూడా అలా ప్రతీది నేర్చుకొని చెప్పాను. చాలా తెలుగు సినిమాలు చూశాను. వెంకటేష్ గారు చేసిన ఫ్యామిలీ సబ్జెక్ట్ చూస్తుంటాను. ఆయన హిందీలో చేసిన ‘అనారి’ సినిమా కూడా చూశాను అన్నారు. ప్రతి నటుడిని నుంచి నేర్చుకోవాల్సినది చాలా వుంటుంది. వెంకటేష్ గారు చాలా కూల్ గా వుంటారు. ఎప్పుడూ ప్రశాంతంగా కనిపిస్తారు. లొకేషన్ కి వచ్చిన ముందే డైలాగ్స్ అన్నీ నేర్చుకొని వస్తారు. యాక్షన్ సీన్స్ లో చాలా రిస్క్ లు తీసుకున్నారు. ఎలాంటి డూప్ లేకుండా స్వయంగా యాక్షన్ చేశారు. ఇందులో ఆయనది చాలా ఇంటెన్స్ క్యారెక్టర్. ఈ ప్రయాణంలో ఆయన నుంచి చాలా విషయాలు నేర్చుకున్నాను. ముఖ్యంగా ఆయనకి సహనం ఎక్కువ. అది ఆయన నుంచి తప్పకుండా నేర్చుకోవాలి. వెంకటేష్ గారితో కలసి పని చేయడం గ్రేట్ ఎక్స్ పీరియన్స్. ఇందులో వెంకటేష్ గారు చాలా డిఫరెంట్ పాత్రలో కనిపిస్తారు. కొత్త అవతార్ లో వెంకీ గారిని చూస్తారు. ఆయన 75 వ చిత్రంలో భాగం కావడం ఆనందంగా వుంది అన్నారు .

#Saindhav‘s final mission begins 🙂#SaindhavTrailer out now!

–https://t.co/FW7ZrXlm28

See you at the cinemas from Jan 13th! pic.twitter.com/YuP9Emv3WR

— Venkatesh Daggubati (@VenkyMama) January 3, 2024

మరిన్ని సినిమా వార్తల కోసం ఇక్కడ క్లిక్ చేయండి.