Video: పిల్లాడి కంటే ముందే మాటలు నేర్చిన పెట్‌డాగ్‌! ఎంత క్యూట్‌ పిలుస్తుందో చూడండి!

ఒక పెంపుడు కుక్క 'మమ్మ' అని పలికిన వీడియో ప్రస్తుతం సోషల్ మీడియాలో సంచలనం సృష్టిస్తోంది. తమ బిడ్డకు మాటలు నేర్పే క్రమంలో తల్లిదండ్రులు, వారి పక్కనే ఉన్న పెంపుడు కుక్క 'అమ్మ' అని అరవడంతో ఆశ్చర్యపోయారు. పూర్తి వివరాలు ఇలా ఉన్నాయి..

Dog Says Mamma

SN Pasha |
Updated on: Dec 17, 2025 | 1:21 PM

కుక్కల్ని విశ్వాసానికి మారుపేరుగా భావిస్తుంటారు. ఒంటరిగా జీవించే చాలా మంది కూడా తమకు తోడుగా కుక్కల్ని ప్రేమగా పెంచుకుంటారు. మరికొంతమంది తమ కుటుంబంలో వాటిని ఒక సభ్యుడిగా భావిస్తూ సాకుతుంటారు. మనుషులకు కుక్కలంటే ఎంతో ప్రేమ. అయితే అవి కూడా కొన్ని సార్లు తమ క్యూట్‌నెస్‌తో అందరి దృష్టిని ఆకర్షిస్తాయి. అలాగే తమ ధైర్యసాహసాలతో ఆశ్చర్యపరుస్తాయి. తాజాగా ఓ పెంపుడు కుక్క చేసిన పనికి సోషల్‌ మీడియా మురిసిపోయింది.

@Excitdaily అనే ఖాతా ద్వారా ఇన్‌స్టాగ్రామ్‌లో షేర్ అయిన వీడియోలో ఒక చిన్న పిల్లవాడు, వారి పెంపుడు కుక్క కలిసి కూర్చుని ఉన్నట్లు చూడొచ్చు. తల్లిదండ్రులు తమ బిడ్డకు “మమ్మా” అని చెప్పడం నేర్పించడానికి ప్రయత్నిస్తున్నారు. పిల్లవాడు వెంటనే “మమ్మా” అని చెప్పడం ప్రారంభిస్తాడని ఆశిస్తూ, వారు పిల్లవాడి ముందు ఆహార ఉంచుతారు. కానీ ఆ తర్వాత కుటుంబాన్ని కూడా ఆశ్చర్యపరిచేలా పక్కనే ఉన్న పెంపుడు కుక్క బిగ్గరగా “మమ్మా” అని అరుస్తుంది. నమ్మశక్యంగా లేకపోయినా.. ప్రస్తుతం ఈ వీడియో సోషల్‌ మీడియాలో విపరీతంగా వైరల్‌ అవుతోంది.