Bangarraju Movie: బంగార్రాజు సరసన మరో ముగ్గురు హీరోయిన్స్.. రంభ, ఊర్వసి, మేనకలు ఎవరంటే…

కింగ్ నాగార్జున హిట్టు, ప్లాపులతో సంబంధం లేకుండా వరుస సినిమాలను పట్టాలెక్కిస్తున్నాడు. ఇటీవలే వైల్డ్ డాగ్ సినిమా ద్వారా ప్రేక్షకుల ముందుకు వచ్చినా.. అంతగా విజయం సాధించలేకపోయాడు. కానీ ఈ సినిమా ద్వారా నాగ్ మరోసారి తన నటనతో ప్రేక్షకులను మాత్రం మెప్పించాడు. ప్రస్తుతం కింగ్.. ప్రవీణ్ సత్తారు దర్శకత్వంలో ఓ సినిమా చేస్తున్న సంగతి తెలిసిందే. ఇందులో నాగ్ సరసన కాజల్ అగర్వాల్ హీరోయిన్‏గా నటిస్తోంది. ప్రస్తుతం ఈ మూవీ షూటింగ్ హైదరాబాద్‏లో శరవేగంగా జరుగుతోంది. ఇక ఈ సినిమా చివరి దశలో ఉండగానే… అటు బంగార్రాజు సినిమాను పట్టాలెక్కించాడు. ఇటీవలే ఈ మూవీ పూజా కార్యక్రమాలు నిర్వహించి ఘనంగా ప్రారంభించారు. ఇక నాగ్ పుట్టిన రోజు సందర్భంగా.. బంగార్రాజు సినిమా ఫస్ట్ లుక్ పోస్టర్‏ను విడుదల చేసిన సంగతి తెలిసిందే. డెవిల్ ఈజ్ బ్యాక్ అంటూ స్వర్గం నుంచి దిగివస్తున్న నాగ్ ఫోటో అభిమానులను తెగ ఆకరట్టుకుంది.

ఇదిలా ఉంటే.. ఇప్పుడు ఈ సినిమా నుంచి ఇంట్రెస్టింగ్ బజ్ ఒకటి ఫిల్మ్ ఇండస్ట్రీలో వినిపిస్తోంది. తాజా సమాచారం ప్రకారం ఈ సినిమాలో స్వర్గలోకంలో సన్నివేశాలు ఉంటాయట. స్వర్గలోక సన్నివేశాల కోసం మేకర్స్ చాలా జాగ్రత్తలు తీసుకుంటున్నారని.. స్వర్గలోకం సెట్ వేయడం దగ్గర్నుంచి బంగార్రాజు కోసం ప్రత్యేక జాగ్రత్తుల తీసుకుంటున్నారట మేకర్స్. అయితే ఈ సినిమాలో స్వర్గలోక సన్నివేశాలు ఎక్కువగా ఉంటాయని.. అందులో రంభ, ఊర్వశి, మేనకల పాత్రలు ఉండబోతున్నట్లుగా టాక్ వినిపిస్తోంది. అయితే ప్రస్తుతం ఆ ముగ్గురి కోసం హీరోయిన్స్‏ను వెతికే పనిలో పడ్డారట. ఇప్పటికే బంగార్రాజు కోసం బిగ్ బాస్ బ్యూటీ మోనాల్ గజ్జర్‏ను ఎంపిక చేసినట్లుగా టాక్. ఈమెతోపాటు.. దర్శన బనిక్, అక్షత కూడా బంగార్రాజు సినిమాలో నటించే ఛాన్స్ ఉన్నట్లుగా తెలుస్తోంది. రంభ, ఊర్వశి, మేనకలతో కలిసి, నాగార్జున, నాగచైతన్య కలయికలో ఓ సాంగ్ ఉండబోతుందని.. అచ్చంగా సోగ్గాడే చిన్ని నాయనా సినిమా మాదిరిగానే ఇందులో కూడా హీరోయిన్లతో ఓ స్పెషల్ సాంగ్ ఉండబోతుందని అర్థమవుతుంది.

Monal Gajjar, Darshana Banik, Akshata Sonawane

ఈ సినిమాకు కళ్యాణ్ కృష్ణ దర్శకత్వం వహిస్తుండగా.. రమ్యకృష్ణ, కృతి శెట్టి హీరోయిన్లుగా నటిస్తున్నారు. ఈ సినిమాను జీ స్టూడియోస్, అన్నపూర్ణ స్టూడియోస్ సంయుక్తంగా ఈ చిత్రాన్ని నిర్మిస్తున్నారు. ఈ చిత్రానికి అనూప్ రూబెన్స్ సంగీతం సమకూరుస్తున్నారు. ఈ సినిమాలో చలపతి రావు, రావు రమేష్, బ్రహ్మాజీ, వెన్నెల కిషోర్, ఝాన్సీ ఇతర పాత్రలు పోషిస్తున్నారు. ప్రస్తుతం ఈ మూవీ షూటింగ్ హైదరాబాద్‏లో శరవేగంగా జరుగుతుంది.

Also Read: ఆదమరచి నిద్రపోతున్న ఈ స్టార్ హీరోయిన్ ఎవరో గుర్తుపట్టండి.. బుల్లితెరపైకి ఎంట్రీ ఇస్తోంది ఈ చిన్నది..

Vijay Sethupathi: సెప్టెంబర్ మొత్తం విజయ్ సేతుపతి హావా.. ఫ్యాన్స్‏కు ఇక పండగే..