Lucifer Remake: ‘లూసీఫర్’ సినిమా నుంచి లెటేస్ట్ బజ్.. చిరు సినిమాలో కీలక పాత్రలో మెగా హీరో..

Lucifer Remake Update:ప్రస్తుతం చిరంజీవి.. కొరటాల శివ దర్శకత్వంలో ఆచార్య సినిమా చేస్తున్న సంగతి తెలిసిందే. ఈ సినిమాను కొణిదెల ప్రొడక్షన్స్ సమర్పణలో మాట్నీ ఎంటర్టైన్మెంట్స్ బ్యానర్ పై నిరంజన్ రెడ్డి నిర్మిస్తుండగా.. ఇందులో చిరంజీవి సరసన కాజల్ అగర్వాల్ హీరోయిన్ గా నటిస్తుంది. అలాగే ఈ సినిమాలో కీలక పాత్రలో మెగా పవర్ స్టార్ రామ్ చరణ్ నటిస్తుండగా.. చెర్రీకి జోడిగా పూజా హెగ్డే నటిస్తోంది. ఈ సినిమా షూటింగ్ శరవేగంగా జరుగుతున్న సమయంలో కరోనా వైరస్ వేగంగా విజృంభించడంతో.. తాత్కాలికంగా షూటింగ్ వాయిదా వేశారు మేకర్స్.. ఇదిలా ఉంటే .. ఈ సినిమా తర్వాత చిరు.. మోహన్ రాజా దర్శకత్వంలో లూసీఫర్ చేయనున్నాడు.

మలయాళంలో సూపర్ హిట్ అయిన లూసీఫర్ సినిమాను తెలుగులో రీమేక్ చేయాలని చిరు చాలా రోజులుగా ప్లాన్ చేస్తున్నారు. ప్రస్తుతం ఈ ప్రాజెక్టుపైనే ఒక రేంజ్ లో కసరత్తు నడుస్తోంది. అయితే ఈ సినిమా గురించి ఎప్పుడూ ఏదో ఒక ఇంట్రెస్టింగ్ అప్ డేట్ ఫిల్మ్ నగర్లో చక్కర్లు కొరడుతున్నాయి. ఇటీవలే ఈ సినిమాలో యంగ్ పొలిటీషియన్ పాత్రలో విజయ్ దేవరకొండ నటించనున్నట్లుగా వార్తలు వచ్చాయి. అయితే అది కేవలం రూమర్ మాత్రమే అని ఇటీవల విజయ్ క్లారిటీ ఇచ్చాడు. తాజాగా ఈ మూవీ నుంచి మరో అప్ డేట్ ఫిల్మ్ సర్కిల్లో వినిపిస్తోంది. ఆ యంగ్ పొలిటీషియన్ పాత్రలో వరుణ్ తేజ్ ను తీసుకోనున్నారనే టాక్ తాజాగా వినిపిస్తోంది. మెగా ఫ్యామిలీలో హీరోలంతా చిరూతో కలిసి నటించే అవకాశం తమకి ఎప్పుడు వస్తుందా అనే ఎదురు చూస్తుంటారు. అందువలన ఈ ఆఫర్ నిజమే అయితే వరుణ్ తేజ్ వదులుకోడనే అభిప్రాయాలు వ్యక్తమవుతున్నాయి. చిరంజీవి పుట్టినరోజైన ఆగస్టు 22న ఈ సినిమాను లాంచ్ చేయనున్నట్టు తెలుస్తోంది.

Also Read:  Samantha Akkineni: ‘జెస్సీ’గా కుర్రాళ్ల హృదయాలు దోచుకుంది.. టాలీవుడ్ ఇండస్ట్రీని మకుటం లేని మహారాణిగా ఏలుతున్న సమంత…

Vijayashanthi : ఈటల ఎమ్మెల్యే పదవికి కూడా రాజీనామా చేసి బీజేపీలోకి వెళతానంటే ఎందుకంత హైరానా? : విజయశాంతి