Malavika Mohanan: మాళవిక మోహనన్‌కు వరుస ఛాన్సులు.. స్పీడ్ పెంచిన ‘మాస్టర్’ బ్యూటీ..
హీరోయిన్ సక్సెస్‌ఫుల్‌గా ఇండస్ట్రీలో కొనసాగాలంటే గ్లామర్‌, టాలెంట్‌తో పాటు సోషల్ మీడియాని వాడుకోవటం కూడా కాస్త తెలిసుండాలి. అప్పుడే..
Updated on: Jun 30, 2023 | 12:10 PM
హీరోయిన్ సక్సెస్‌ఫుల్‌గా ఇండస్ట్రీలో కొనసాగాలంటే గ్లామర్‌, టాలెంట్‌తో పాటు సోషల్ మీడియాని వాడుకోవటం కూడా కాస్త తెలిసుండాలి. అప్పుడే ఆఫర్స్‌తో సంబంధం లేకుండా ఆన్‌లైన్‌ ట్రెండ్స్‌లో కనిపిస్తుంటారు. ఈ ఫార్ములాను పర్ఫెక్ట్‌గా వంట పట్టించుకున్నారు ఓ మలయాళ కుట్టి. కెరీర్‌లో పెద్దగా సక్సెస్‌లు లేకపోయినా వరుస ఆఫర్స్‌తో ఫుల్ బిజీగా ఉన్న బ్యూటీ మాళవిక మోహనన్‌. ప్రజెంట్ పాన్ ఇండియా స్టార్స్‌తో బిగ్ ప్రాజెక్ట్స్‌లో నటిస్తున్న ఈ బ్యూటీ, సినిమా అప్‌డేట్స్ కన్నా… తన సోషల్ మీడియా పోస్ట్‌లతోనే ఎక్కువగా ట్రెండ్‌లో కనిపిస్తున్నారు.
మాస్టర్, మారన్ లాంటి స్టార్ హీరోల సినిమాల్లో నటించిన మాళవికకు నటిగా పెద్దగా గుర్తింపు రాలేదు. అందుకే అవకాశాల కోసం సోషల్ మీడియాలో హాట్ ఫోటోస్‌తో స్పీడు పెంచారు. ఈ ప్లాన్ బాగానే వర్క్ అవుట్ అయ్యింది. వరుసగా క్రేజీ ప్రాజెక్ట్స్‌లో మాళవిక పేరు యాడ్ అయ్యింది. ఆన్‌లైన్‌ షోకు మంచి రెస్పాన్స్ రావటంతో ఇప్పుడు మరింత స్పీడు పెంచారు మాళవిక. తాజాగా ఓ డైరెక్టర్‌తో తాను దిగిన ఫోటోలను సోషల్ మీడియా పేజ్‌లో షేర్ చేసిన మాస్టర్ గర్ల్‌, కొత్త డిస్కషన్‌కు తెర లేపారు. ఇంకా కెరీర్‌లో సెటిల్ అవ్వకముందే ఈ బ్యూటీ పర్సనల్‌ లైఫ్‌లో సెటిల్ అయ్యే ఆలోచనలో ఉన్నారా? అన్నది ఇప్పుడు నయా డిస్కషన్‌ పాయింట్‌. అసలు విషయం పక్కన పెడితే సినిమాలతో సంబంధం లేకుండా మరోసారి మాళవిక సోషల్ మీడియాలో గట్టిగా ట్రెండ్ అవుతోంది.
(టీవీ9 ఎంటర్టైన్మెంట్ డెస్క్)
