Mahesh Babu : క్రేజీ అప్డేట్.. మహేష్- త్రివిక్రమ్ సినిమాలో మలయాళ స్టార్ హీరో.?

Mahesh Babu : సూపర్ స్టార్ మహేష్ బాబు(Mahesh Babu) నటిస్తున్న లేటెస్ట్ మూవీ సర్కారు వారి పాట. ఈ సినిమా కోసం మహేష్ అభిమానులు ఎంతో ఆసక్తిగా ఎదురు చూస్తున్నారు. పరశురామ్ దర్శకత్వంలో తెరకెక్కుతున్న ఈ సినిమాలో అందాల భామ కీర్తిసురేష్ హీరోయిన్ గా నటిస్తుంది. ఇక ఈ సినిమా షూటింగ్ శరవేగంగా జరుగుతున్న సమయంలో మహేష్ మోకాలికి సర్జరీ జరిగింది. ఆవెంటనే మహేష్, కీర్తిసురేష్ తోపాటు పలువురు కరోనా బారిన పడ్డారు. దాంతో సినిమా షూటింగ్ కు బ్రేక్ పడింది. ఇక ఈ సినిమాను సమ్మర్ కానుకగా మే 12న విడుదల చేయనున్నట్టు మేకర్స్ అనౌన్స్ చేశారు. ఈ సినిమా తర్వాత మహేష్ త్రివిక్రమ్(Trivikram) దర్శకత్వంలో సినిమా చేస్తున్నాడు. ఇప్పటికే ఈ సినిమా పూజాకార్యక్రమాలు జరిగాయి. మహేష్ త్రివిక్రమ్ కాంబోలో వస్తున్న మూడో సినిమా ఇది.

గతంలో మహేష్ , త్రివిక్రమ్ కాంబినేషన్ లో అతడు, ఖలేజా సినిమాలు వచ్చిన విషయం తెలిసిందే. ఈ రెండు సినిమాలు థియేటర్‌లో అంతగా ఆకట్టుకోకపోయినా టీవీలో మాత్రం సూపర్ హిట్ టాక్‌ను సొంతం చేసుకున్నాయి. ఇప్పటికీ ఈ రెండు సినిమాలు టీవీలో టెలికాస్ట్ అయితే మంచి టీఆర్ఫీని సొంతం చేసుకుంటున్నాయి. ఈ నేపథ్యంలో ఇప్పుడు రాబోతున్న మహెష్ త్రివిక్రమ్ సినిమా పై భారీ అంచనాలు నెలకొన్నాయి. ఇక ఈ మూవీలో హీరోయిన్‌గా బుట్టబొమ్మ పూజ హెగ్డేను ఎంపిక చేశారు. అలాగే సంగీత దర్శకుడిగా తమన్ ను ఫిక్స్ చేశారు. యాక్షన్ ఎంటర్టైనర్ గా తెరకెక్కుతున్న ఈ సినిమాలో కీలక పాత్ర కోసం ఓ సీనియర్ హీరోను తీసుకోనున్నారట. మలయాళ స్టార్ హీరో మోహన్ లాల్ ఈ సినిమాలో కీలక పాత్రలో కనిపించనున్నారని తెలుస్తుంది. త్వరలోనే ఈ విషయాన్ని అధికారికంగా ప్రకటించనున్నారట. అలాగే ఈ సినిమాలో రెండో హీరోయిన్ గా మలయాళీ బ్యూటీ సంయుక్త మీనన్ పేరు వినిపిస్తుంది.

Mohanlal

మరిన్ని ఇక్కడ చదవండి :

Movies In OTT: రొమాంటిక్, సస్పెన్స్, కామెడీ సినిమాలు ఈ వారం ఓటీటీలో సందడి చేయనున్నాయి.. వివరాల్లోకి వెళ్తే..

DJ Tillu Box Office Collections: కలెక్షన్స్‌తో మైండ్ బ్లాంక్ చేస్తున్న డీజే టిల్లు.. ట్రేడ్ నిపుణులు సైతం షాక్

Anasuya Bharadwaj: ఏమి అందం బాబోయ్… కుర్రకారుకి చెమటలు పట్టిస్తున్న అనసూయ లేటెస్ట్ ఫోటోస్ వైరల్