Mahesh Babu: మహేష్ కోసం అనీల్ రావిపూడి అదిరిపోయే స్క్రిప్ట్.. క్రికెట్ కోచ్ గా సూపర్ స్టార్

Mahesh Babu: టాలీవుడ్ లో సక్సెఫుల్ డైరెక్టర్ గా దూసుకుపోతున్నాడు యంగ్ డైరెక్టర్ అనీల్ రావిపూడి. వరుసగా అనీల్ డైరెక్ట్ చేసిన సినిమాలన్నీ మంచి విజయాలను అందుకుంటున్నాయి. నిన్నమొన్నటి వరకు మీడియం రేంజ్ హీరోలతో సినిమాలు చేసిన అనీల్. ఆతర్వాత ఏకంగా సూపర్ స్టార్ మహేష్ బాబూతో సినిమా చేసాడు. సరిలేరు నీకెవ్వరు అని టైటిల్ తో తెరకెక్కిన ఈ సినిమా బ్లాక్ బస్టర్ హిట్ అందుకుంది. మహేష్ కెరియర్ లో వన్ ఆఫ్ ది సూపర్ హిట్ గా నిలిచింది ఈ సినిమా. ప్రస్తుతం అనీల్ వెంకటేష్, వరుణ్ తేజ్ లతో కలిసి ఎఫ్ 3 సినిమా చేస్తున్నాడు. ఈ ముగ్గురి కాంబినేషన్ లో వచ్చిన ఎఫ్2 సినిమా మంచి విజయాన్ని అందుకున్న విషయం తెలిసిందే. ఇప్పుడు ఈ సినిమాకు సీక్వెల్ ను తెరకెక్కిస్తున్నాడు. ఇప్పటికే ఈ సినిమా షూటింగ్ మొదలైంది. ఇక ఈ సినిమా తర్వాత మహేష్ బాబుతో  సినిమా చేయబోతున్నాడు అనీల్.

ఇటీవల మహేష్ తో మరో సినిమా చేయబోతున్న అని క్లారిటీ ఇచ్చాడు అనీల్. అయిత్ అనీల్ మహేష్ సినిమా గురించి ఓ ఇంట్రస్టింగ్ వార్త ఇప్పుడు ఫిలింనగర్ లో చక్కర్లు కొడుతుంది. ఇందులో మహేష్ క్రికెట్ కోచ్ గా కనిపించనున్నాడని అంటున్నారు. క్రీడా నేపథ్య చిత్రమిదని తెలుస్తుంది. అవ్వదలనికి స్పోర్ట్స్ బ్యాక్ గ్రౌండ్ మూవీనే అయినప్పటికీ అనీల్ మార్క్ కామెడీ ఉండనుందట. సరిలేరు నీకెవ్వరు లో మహేష్ ఆర్మీ ఆఫీసర్ అనగానే సీరియస్ యాక్షన్ స్టోరీ అనుకున్నారు. కానీ ఆ తర్వాత అనీల్ మార్క్ వినోదంతో అలరించింది ఈ సినిమా. ఇక మహేష్ ప్రస్తుతం సర్కారు వారి పాట సినిమా చేస్తున్నాడు. ఈ సినిమాకు పరశురామ్ దర్శకత్వం వహిస్తున్నాడు. కీర్తిసురేష్ ఈ సినిమాలో హీరోయిన్ గా నటిస్తుంది. బ్యాంకింగ్ రంగంలో జరిగే మోసాల నేపథ్యంలో ఈ సినిమా తెరకెక్కుతుంది.

మరిన్ని ఇక్కడ చదవండి :

నేను విసిగిపోయాను.. ఇలాంటి రూమర్స్ గురించి ఏం చెప్పాలో తెలియడంలేదు.. మరణవార్తలపై స్పందించిన శక్తిమాన్ నటుడు..

Chiranjeevi : మెగాస్టార్ సినిమాకు మళ్లీ దర్శకుడు మారనున్నాడా.. లూసిఫర్ రీమేక్ కు స్క్రిప్ట్ కష్ఠాలు..

Rakul Preet Singh: తెలుగులో తగ్గిన రకుల్ జోరు.. ఈ ముద్దుగుమ్మ ఆశలన్నీ ఆ సినిమా పైనే..