Toxic Movie: కేజీఎఫ్ స్టార్ యష్ బర్త్ డే.. టాక్సిక్ గ్లింప్స్ రిలీజ్.. ఎలా ఉందంటే..

పాన్ ఇండియన్ స్టార్ యష్ సినిమాలకు ప్రపంచవ్యాప్తంగా మంచి క్రేజ్ ఉంది. ఈ స్టార్ హీరో నటించిన చిత్రాలు ఎప్పుడెప్పుడు విడుదలవుతాయా అని ఆసక్తిగా ఎదురుచూస్తుంటారు ఫ్యాన్స్. కేజీఎఫ్ 1, 2 తర్వాత యష్ నటిస్తోన్న చిత్రం టాక్సిక్. దీంతో ఈ మూవీపై మంచి హైప్ ఏర్పడింది. ఇప్పటికే ఈ సినిమాకు సంబంధించి విడుదలైన పోస్టర్స్ మరింత ఆసక్తిని కలిగించాయి. ఈ క్రమంలోనే తాజాగా యష్ బర్త్ డే సందర్భంగా ఈ మూవీ నుంచి టాక్సిక్ గ్లింప్స్ రిలీజ్ చేశారు మేకర్స్. రాకింగ్ స్టార్ యష్ పుట్టినరోజు సందర్భంగా ఆయనకు స్పెషల్ గిఫ్ట్ ఇస్తామని ‘టాక్సిక్’ టీమ్ గతంలోనే ప్రకటించింది. తాజాగా విడుదలైన గ్లింప్స్ తో ఈ మూవీపై అంచనాలు రెట్టింపు అయ్యాయి.

ఈరోజు విడుదలైన గ్లింప్స్ చూస్తుంటే.. యష్ రెట్రో కారులో క్లబ్‌లోకి స్టైలిష్‌గా ఎంట్రీ ఇచ్చాడు. మరోవైపు క్లబ్ లో యూత్ సరదాగా ఎంజాయ్ చేస్తుంటారు. ఆ సమయంలో యష్ ఓ వాటర్ బాటిల్ తీసుకుని అక్కడున్న మహిళపై పోశాడు. మేకింగ్ చూస్తుంటే రెట్రో స్టోరీలా అనిపిస్తోంది. ప్రస్తుతం విడుదలైన గ్లింప్స్ సినిమాపై ఆసక్తిని కలిగిస్తోంది. ఈ చిత్రానికి మలయాళ దర్శకురాలు గీతూ మోహన్ దాస్ దర్శకత్వం వహిస్తున్నారు.

ఈ చిత్రాన్ని కెవిఎన్ ప్రొడక్షన్స్ ద్వారా వెంకట్ నారాయణ్ నిర్మిస్తున్నారు. ఈ సినిమా భారీ బడ్జెట్‌తో తెరకెక్కుతోంది. ఈ చిత్రంలో కియారా అద్వానీ, నయనతార నటిస్తున్నారు. ఈ ఏడాది చివర్లో ఈ సినిమా విడుదల కానుంది. ఇది పాన్-వరల్డ్ లెవల్‌లో విడుదల చేయాలని భావిస్తున్నారు. ఈ సినిమాలో హాలీవుడ్ టెక్నీషియన్స్ కూడా పనిచేస్తున్నారు.

Welcome to the untamed world of #ToxicTheMovie❤️‍🔥#ToxicBirthdayPeek : – https://t.co/hs6OhzQyfp #TOXIC @TheNameIsYash #GeetuMohandas @KVNProductions #MonsterMindCreations @Toxic_themovie pic.twitter.com/KfcHjwyjFB

— KVN Productions (@KvnProductions) January 8, 2025

ఇది చదవండి : Tollywood: చేసిన సినిమాలన్ని ప్లాప్.. అయినా తగ్గని క్రేజ్.. గుర్రపు స్వారీ చేస్తోన్న ఈ హీరోయిన్ ఎవరంటే..

Tollywood: రూ.2 కోట్ల యాడ్ రిజెక్ట్ చేసింది.. స్టార్ హీరోల కంటే ఎక్కువ ఫాలోయింగ్.. ఎవరో తెలుసా.. ?

Tollywood: అరె ఏంట్రా ఇది.. ఇప్పుడు గ్లామర్‏తో మెంటలెక్కిస్తోన్న వయ్యారి.. గుర్తుపట్టారా..?

మరిన్ని సినిమా వార్తల కోసం ఇక్కడ క్లిక్ చేయండి.