Major: మేజర్ నుంచి కన్నా కన్నా సాంగ్ రిలీజ్.. హృదయాన్ని హత్తుకుంటున్న ఎమోషనల్ థీమ్..

డైరెక్టర్ శశికిరణ్ తిక్క దర్శకత్వంలో యంగ్ అండ్ టాలెంటెడ్ హీరో అడివి శేష్ ప్రధాన పాత్రలో నటించిన లేటేస్ట్ చిత్రం మేజర్ (Major). 26/11 ముంబై టెర్రరిస్ట్ దాడులలో ప్రాణత్యాగం చేసిన మేజర్ సందీప్ ఉన్నికృష్ణన్ జీవితం ఆధారంగా తెరకెక్కించిన ఈ సినిమా బాక్సాఫీస్ వద్ద సూపర్ హిట్‏గా నిలిచింది. సందీప్ జీవితంలో జరిగిన సంఘటనలను ప్రేక్షకుల కళ్లకు కట్టినట్లుగా చూపించారు డైరెక్టర్. ఇందులో సందీప్ పాత్రలో అడివి శేష్ ఒదిగిపోయాడు. జూన్ 3న పాన్ ఇండియా లెవల్లో విడుదలైన ఈ సినిమా మంచి వసూళ్లు సాధించడమే కాకుండా.. అడివి శేష్ కెరీర్‏లోనే బిగ్గెస్ట్ హిట్‏గా నిలిచింది. ఇక ఈ సినిమాలోని పాటలు, నేపథ్య సంగీతం ప్రేక్షకుల మనసులను హత్తుకుంది. తాజాగా ఈ మూవీ నుంచి కన్నా, కన్న అనే పుల్ వీడియో సాంగ్ రిలీజ్ చేశారు మేకర్స్.

ఈ వీడియోలో మేజర్ సందీప్ బాల్యం నుంచి ఆయన సైన్యంలో చేరేందుకు బయలుదేరే సన్నివేశాలను అద్భుతంగా చూపించారు. సందీప్ కు ఆయన తల్లిదండ్రులకు మధ్య ఉండే ఎమోషనల్ థీమ్ ఇందులో కనిపిస్తుంది. శ్రీచరణ్ పాకాల అందించిన ట్యూన్ శ్రోతల హృదయాలను హత్తుకుంటుంది.. రామజోగయ్య శాస్త్రీ సాహిత్యం అందించగా.. కే.ఎస్ చిత్ర అద్భుతంగా ఆలపించారు.. ఈ సినిమాను మహేష్ సొంత నిర్మాణ సంస్థ జీఎంబీ ఎంటర్టైన్మెంట్స్, సోనీ పిక్చర్స్ ఫిల్మ్స్ ఇండియ , ఏప్లస్ ఎయస్ మూవీస్ సంస్థలు సంయుక్తంగా నిర్మించాయి. ఇందులో ప్రకాష్ రాజ్, రేవతి, సాయి మంజ్రేకర్, శోభితా ధూళిపాళ్ల కీలకపాత్రలలో నటించారు.

ఇవి కూడా చదవండి

Kiara Advani : అలాంటి వార్తలను సృష్టించే వారు ఏం ఆశిస్తారో అర్థం కావడం లేదు : కియారా అద్వానీ

Kiran Abbavaram: ”ఇలాంటి పాయింట్ ని ఎవరూ తీయలేదు”.. ఆసక్తికర విషయాలు పంచుకున్న యంగ్ హీరో

Nandamuri Balakrishna: అన్‌స్టాపబుల్ సీజన్ 2 గురించి హింట్ ఇచ్చిన బాలయ్య.. ఏమన్నారంటే

Karan Johar: ఆ సౌత్ ఇండియన్ సినిమా చేసిఉంటే చచ్చేంతలా విమర్శించేవారు.

మరిన్ని ఎంటర్టైన్మెంట్ వార్తల కోసం క్లిక్ చేయండి.