Jr. NTR: ఎన్టీఆర్‌కు రోడ్డు ప్రమాదం అంటూ వార్తలు.. స్పందించిన టీమ్

యంగ్ టైగర్ జూనియర్ ఎన్టీఆర్ రోడ్డు ప్రమాదానికి గురైనట్లు రూమర్లు పుట్టుకొచ్చాయి. ఈ ప్రమాదంలో ఆయన ఎడమ చేతి మణికట్టు, వేళ్లకు గాయాలు అయినట్లు ప్రచారం జరుగుతోంది. మంగళవారం రాత్రి జూబ్లీహిల్స్ లోని జరిగిన రోడ్డు ప్రమాదంలో గాయపడిన జూ. ఎన్టీఆర్ ప్రస్తుతం ఓ ప్రైవేటు ఆస్పత్రిలో చికిత్స తీసుకుంటున్నట్లు పుకార్లు పుట్టించారు కొందరు.

Ntr

Rajeev Rayala |
Updated on: Aug 14, 2024 | 3:14 PM

యంగ్ టైగర్ ఎన్టీఆర్ కు ప్రమాదం జరిగిందని వార్తలు పుట్టుకొచ్చాయి. ఆ వార్తలతో అభిమానులై ఆందోళన చెందుతున్నారు. అయితే అది పూర్తిగా అవాస్తవం అని ఎన్టీఆర్ టీమ్ స్పష్టం చేసింది. యంగ్ టైగర్ జూనియర్ ఎన్టీఆర్ రోడ్డు ప్రమాదానికి గురైనట్లు రూమర్లు పుట్టుకొచ్చాయి. ఈ ప్రమాదంలో ఆయన ఎడమ చేతి మణికట్టు, వేళ్లకు గాయాలు అయినట్లు ప్రచారం జరుగుతోంది. మంగళవారం రాత్రి జూబ్లీహిల్స్ లోని జరిగిన రోడ్డు ప్రమాదంలో గాయపడిన జూ. ఎన్టీఆర్ ప్రస్తుతం ఓ ప్రైవేటు ఆస్పత్రిలో చికిత్స తీసుకుంటున్నట్లు పుకార్లు పుట్టించారు కొందరు. దాంతో తారక్ ఫ్యాన్స్ ఆందోళన చెందారు.

ఎన్టీఆర్ కు రోడ్డు ప్రమాదం జరిగిందని వస్తున్న వార్తలను ఎన్టీఆర్ టీమ్ ఖండించింది. ‘జిమ్‌ చేస్తుండగా ఎన్టీఆర్‌ ఎడమ చేతికి రెండు రోజుల క్రితం చిన్న గాయం అయ్యింది. అయినప్పటికీ తారక్ ‘దేవర’ షూటింగ్‌లో మంగళవారం పాల్గొన్నారు. ప్రస్తుతం ఆయన కోలుకుంటున్నారు. ఆయకు పెద్ద ప్రమాదం జరిగినట్టు వస్తున్న వార్తలు అవాస్తవం. దయచేసి ఆ ప్రచారాన్ని అభిమానులు నమ్మకండి అని ఎన్టీఆర్ టీమ్ వెల్లడించింది.

ఎన్టీఆర్ ప్రస్తుతం దేవర సినిమాలో నటిస్తున్న విషయం తెలిసిందే. కోరటాల శివ దర్శకత్వం వహిస్తున్న ఈ సినిమా షూటింగ్ శరవేగంగా జరుగుతోంది. త్వరలోనే ఈ సినిమా విడుదల కానుంది. ఈ సినిమాలో జాన్వీ కపూర్ హీరోయిన్ గా నటిస్తుంది. అలాగే ఈ సినిమాను రెండు భాగాలుగా ప్రేక్షకుల ముందుకు తీసుకురానున్నారు.