Jr NTR War 2: ఎన్టీఆర్ బ్రాండ్ అలాంటిది మరి.. రిలీజ్‌కు ముందే వార్‌ 2 రికార్డు.. ఏకంగా అన్ని కోట్లా?

ఆర్‌ఆర్‌ఆర్ సినిమాతో గ్లోబల్ స్టార్ గా మారిపోయాడు జూనియర్ ఎన్టీఆర్‌. దీని తర్వాత దేవరతో మరో పాన్ ఇండియా మూవీ హిట్ కొట్టాడు. ప్రస్తుతం ఈ నందమూరి హీరోకు బాలీవుడ్‌లో కూడా మంచి క్రేజ్ ఏర్పడింది. ఈ క్రమంలోనే ఎన్టీఆర్ హృతిక్ రోషన్ తో కలిసి ఓ మల్టీ స్టారర్ మూవీ చేస్తున్నాడు. అదే వార్ 2. గతంలో హృతిక్ రోషన్, టైగర్ ష్రాఫ్ జంటగా నటించిన వార్ మూవీకి ఇది సీక్వెల్. ఇప్పటికే ‘వార్ 2’ సినిమా షూటింగ్ పూర్తయింది. ప్రస్తుతం పోస్ట్ ప్రొడక్షన్ పనులు జరుగుతున్నాయి. ఈ సినిమా విడుదల తేదీని కూడా ఇది వరకే అధికారికంగా ప్రకటించారు. వార్ 2 సినిమా విడుదలకు ఇంకా రెండు నెలల సమయం ఉంది. అయితే ఈ మూవీ ప్రీ-రిలీజ్ వసూళ్లు మాత్రం రికార్డు స్థాయిలో ఉన్నాయి. జూనియర్ ఎన్టీఆర్, హృతిక్ రోషన్ నటించిన ఈ సినిమా ప్రీ-రిలీజ్ వసూళ్లు ఇప్పటికే 100 కోట్లు దాటాయి. ఈ సినిమా మొత్తం బడ్జెట్ 300 కోట్లు కాగా ప్రీ-రిలీజ్ కలెక్షన్ ద్వారానే దాదాపు 200 కోట్లు రాబట్టాలని చిత్ర బృందం భావిస్తోంది. ఇప్పుడు ఈ సినిమా విడుదలకు ముందే వచ్చిన వసూళ్లు చిత్ర బృందాన్ని ఉత్సాహపరిచాయి.దీంతో సినిమా ప్రమోషన్‌పై మరింత శ్రద్ధ పెట్టాలని నిర్ణయించుకున్నారు. అంతే కాదు, ఈ సినిమాను విదేశాలలో కూడా ప్రమోట్ చేయడానికి ప్రణాళికలు రచిస్తున్నారు.

జూనియర్ ఎన్టీఆర్ కు జపాన్, చైనాలలో పెద్ద సంఖ్యలో అభిమానులు ఉన్నారు. దీంతో చిత్ర బృందం అక్కడ కూడా ‘వార్ 2’ ను ప్రమోట్ చేయాలని యోచిస్తోంది. ఈ సినిమా దక్షిణ భారత పంపిణీ హక్కులను జూనియర్ ఎన్టీఆర్ సోదరుడు కళ్యాణ్ రామ్ కొనుగోలు చేయనున్నట్లు సమాచారం. ‘వార్ 2’ చిత్రాన్ని యష్ రాజ్ ఫిల్మ్స్ నిర్మిస్తుండగా, అయాన్ ముఖర్జీ దర్శకత్వం వహిస్తున్నారు. గతంలో టైగర్ ష్రాఫ్ ‘వార్’ సినిమాలో నటించాడు.

జూనియర్ ఎన్టీఆర్, హృతిక్ రోషన్ ల అద్భుతమైన యాక్షన్ తో పాటు, ఎనర్జిటిక్ డ్యాన్స్ లు కూడా ఉండనున్నాయని తెలుస్తోంది.. ఇద్దరు నటులు కలిసి చేసే డ్యాన్స్ లు ప్రేక్షకులకు కిక్ ఇస్తాయని దర్శకుడు ఆశిస్తున్నాడు. ‘వార్ 2’ సినిమా షూటింగ్ పూర్తి చేసిన జూనియర్ ఎన్టీఆర్, ఇప్పుడు ప్రశాంత్ నీల్ తో సినిమా ప్రారంభించాడు. ఈ సినిమా షూటింగ్ ఇప్పటికే ప్రారంభమైంది. జూనియర్ ఎన్టీఆర్ వరుసగా రెండు నెలల పాటు షూటింగ్‌లో పాల్గొంటారు, ఆ తర్వాత ‘వార్ 2’ సినిమా ప్రమోషన్ కోసం విరామం తీసుకుంటారు. ‘వార్ 2’ చిత్రం ఆగస్టు 14న ప్రేక్షకుల ముందుకు రానుంది.

ఇవి కూడా చదవండి

ఓజీ నుంచి మరో క్రేజీ అప్డేట్‌.. పవన్ సినిమాలో మరో స్టార్ యాక్టర్

జూబ్లీహిల్స్‌లో టాలీవుడ్ హీరో హల్‌చల్.. రాంగ్ రూట్‌లో వచ్చి..

హీరోయిన్ అనన్య నాగళ్ల దగ్గర జాబ్ చేయాలనుకుంటున్నారా? అర్హతలివే

'శ్రీనివాస గోవింద' పాట పేరడీ.. వివాదంపై స్పందించిన హీరో సంతానం

మరిన్ని సినిమా వార్తల కోసం ఇక్కడ క్లిక్ చేయండి..