Adire Abhi: హీరోగా మారిన జబర్ధస్త్ కమెడియన్.. ఇండియన్ బుక్ ఆఫ్ రికార్డ్స్‏లో అదిరే అభి సినిమా..

నటుడిగా ఎంట్రీ ఇచ్చి.. హీరోగా మారి సక్సెస్ అందుకున్నవారు చాలా మందే ఉన్నారు. ఇక జబర్ధస్త్ కమెడియన్స్ కూడా హీరోగా తమ అదృష్టం పరీక్షించుకుంటున్నారు. ఇప్పటికే సుడిగాలి సుధీర్ హీరోగా సాఫ్ట్‏వేర్ మూవీలో నటించి ప్రశంసలు అందుకున్న సంగతి తెలిసిందే. తాజాగా మరో జబర్ధస్త్ కమెడియన్ హీరోగా అవతారం ఎత్తాడు. గతంలో నటుడు అదిరే అభి.. పలు చిత్రాల్లో క్యారెక్టర్ ఆర్టిస్ట్‏గా నటించి మంచి గుర్తింపు తెచ్చుకున్నారు. ఇప్పుడు అదిరే అభి హీరోగా మారాడు.. ఆయన ప్రధాన పాత్రలలో రూపొందుతున్న సినిమా వైట్ పేపర్. ఈ సినిమమాకు శివ దర్శకత్వం వహిస్తున్నాడు. జి.ఎస్‌.కె. ప్రొడక్షన్స్‌ పతాకంపై గ్రంథి శివ కుమార్ నిర్మిస్తున్నారు. నిన్న అదిరే అభి పుట్టిన రోజు సందర్భంగా ఈ సినిమా టైటిల్ పోస్టర్‏ను విడుదల చేసింది చిత్రయూనిట్. ప్రముఖ గాయకుడు మనో, నటులు అనసూయ, ఇంద్రజ విడుదల చేసి, చిత్రం మంచి విజయం అందుకోవాలని ఆకాంక్షించారు.

ఈ సందర్భంగా అభి మాట్లాడుతూ.. దర్శకుడు కథ చెప్పగానే సినిమా చేయాలనే ఆసక్తి కలిగింది. 9 గంటల 51 నిమిషాల్లోనే షూటింగ్ పూర్తి చేయాలన్న ఆయన డెడికేషన్ నచ్చింది. అనుకున్నట్టుగానే నిర్ణీత సమయంలో ఈ చిత్రాన్ని పూర్తి చేసాం. అలా విడుదలకి ముందే ఇండియన్ బుక్ ఆఫ్ రికార్డ్స్‌లో ఈ సినిమా చోటు దక్కించుకుంది. ఈ అవార్డు రావటం, మనో, ఇంద్రజ, అనసూయ టైటిల్ పోస్టర్‌ను విడుదల చేయటం చాలా సంతోషంగా ఉంది అని తెలిపారు. సస్పెన్స్ నేపథ్యంలో సాగే ఈ సినిమా ఇది. అభి నటించకపోతే ఈ సినిమా ఉండేది కాదు.. అవార్డూ వచ్చేది కాదేమో. సినిమాను ఒక్క రోజులో ఎలా తీయగలవు ? అని చాలా మంది ప్రశ్నించారు. అభి ఇచ్చిన సపోర్ట్ వల్లే ఇది సాధ్యమైందని అన్నారు డైరెక్టర్ శివ. ఈ సినిమాలో వాణి, తల్లాడ సాయి కృష్ణ, నేహా, నంద కిషోర్ కీలక పాత్రలలో నటించారు. అలాగే ఈ చిత్రానికి నవనీత్ చారి సంగీతం అందించారు.

Also Read: Dil Raju: తను ఎన్నో కష్టాలు చూశాడు.. సక్సెస్‏లు, ఫెయిల్యూర్స్ చూశాడు.. తేజ్ పై ఆసక్తికర కామెంట్స్ చేసిన దిల్ రాజు..

Pawan Kalyan – Republic Movie: మోహన్ బాబుపై సంచలన కామెంట్స్ చేసిన పవన్ కళ్యాణ్.. మీకు కూడా ఆ పరిస్థితి రావొచ్చంటూ..

Most Eligible Bachelor: బ్యాచిల‌ర్ రాక ఆల‌స్యం కానుందా.? అఖిల్ చెప్పిన రోజున రావ‌ట్లేదా.?