Venu Sriram: అల్లు అర్జున్ కథతో ఆ యంగ్ హీరోతో వేణు శ్రీరామ్ సినిమా చేస్తున్నాడా..?

వేణు శ్రీరామ్.. పవర్ స్టార్ పవన్ కళ్యాణ్ నటించిన వకీల్ సాబ్ సినిమాతో ఒక్కసారిగా పాపులర్ అయ్యారు. 2011లో వచ్చిన ఓ మై ఫ్రెండ్ సినిమాతో దర్శకుడిగా పరిచయం అయ్యాడు ఈ భామ. ఆ తర్వాత నాని తో కలిసి మిడిల్ క్లాస్ అబ్బాయి అనే సినిమా చేశాడు. ఈ సినిమా పర్లేదు అనిపించుకుంది. ఆతర్వాత ఎవడో ఒకడు అనే సినిమా చేశాడు ఈ సినిమా ఆశించిన స్థాయిలో ఆకట్టుకోలేకపోయింది. ఇదిలా ఉంటే వకీల్ సాబ్ సినిమా కంటే ముందు వేణు శ్రీరామ్ ఐకాన్ అనే సినిమాను అనౌన్స్ చేసిన విషయం తెలిసిందే. అల్లు అర్జున్ హీరోగా ఈ సినిమాను తెరకెక్కించాలని అనుకున్నారు. ఈ లోగా పవన్ కళ్యాణ్ నుంచి కాల్ రావడంతో ఐకాన్ సినిమాను పక్క పెట్టేశారు. వకీల్ సాబ్ సినిమా తర్వాత ఐకాన్ సినిమా ఉంటుందని అందరు అనుకున్నారు కానీ ఐకాన్ పట్టాలెక్కలేదు.

అయితే ఈలోగా సుకుమార్ దర్శకత్వంలో పుష్ప సినిమాను పాటలెక్కించాడు బన్నీ.. పుష్ప సినిమా పాన్ ఇండియా మూవీ అవ్వడంతో చాలా టైం పట్టింది. ఆ వెంటనే ఐకాన్ సినిమా ఉందనుకుంటే ఇప్పుడు పుష్ప 2 చేస్తున్నాడు. ఈ సినిమా పూర్తవ్వడానికి మరింత సమయం పట్టే అవకాశం ఉంది.

దాంతో వేణు శ్రీరామ్ ఐకాన్ స్టోరీని ఓ యంగ్ హీరోతో తెరకెక్కించాలని చూస్తున్నారట. నితిన్ తో వేణు సినిమా చేయనున్నాడని తెలుస్తోంది. ప్రస్తుతం నితిన్ వెంకీ కుడుములు దర్శకత్వంలో సినిమా చేస్తున్న విషయం తెలిసిందే. ఈ సినిమా తర్వాత వెంటనే ఈ సినిమా చేస్తున్నడని తెలుస్తోంది. మరి ఈ సినిమాకు ఐకాన్ అనే టైటిల్ ఉంచుతారా.. లేక మార్చుతారా అన్నది తెలియాల్సి ఉంది.