Naga Chaitanya: హిట్ ఇచ్చిన దర్శకుడితో మరోసారి అక్కినేని యంగ్ హీరో.. ఆ దర్శకుడు ఎవరంటే

అక్కినేని కుర్ర హీరో నాగచైతన్య బ్యాక్ టు బ్యాక్ సినిమాలతో ఫుల్ బిజీగా ఉన్నాడు. సినిమాల విషయంలో ఆచితూచి అడుగులు వేస్తున్నాడు. ఇటీవలే థ్యాంక్యూ సినిమాతో ప్రేక్షకుల ముందుకు వచ్చాడు చైతూ.. విక్రమ్ కుమార్ దర్శకత్వంలో వచ్చిన ఈ సినిమా బాక్సాఫీస్ దగ్గర బోల్తా కొట్టింది. ప్రస్తుతం చైతూ ఓ వెబ్ సిరీస్ లో నటిస్తున్నారు. దూత అనే టైటిల్ తో తెరకెక్కుతోన్న ఈ సిరీస్ కు కూడా విక్రమ్ కుమార్ నే దర్శకత్వం వహిస్తున్నాడు. అలాగే కస్టడీ అనే సినిమా చేస్తున్నాడు. ఈ సినిమాలో కృతి శెట్టి హీరోయిన్ గా నటిస్తోంది. ఇదిలా ఉంటే నాగచైతన్య మరో సినిమాకు కమిట్ అయ్యాడని తెలుస్తోంది. తనకు సూపర్ హిట్ ఇచ్చిన దర్శకుడితోనే ఈ కుర్ర హీరో మరోసారి కలిసి పని చేయనున్నాడని తెలుస్తోంది. ఇంతకు ఆ దర్శకుడు ఎవరో తెలుసా..

టాలీవుడ్ లో సెన్సిబుల్ డైరెక్టర్ గా పేరుతెచ్చుకున్నాడు శేఖర్ కమ్ముల. అందమైన ప్రేమ కథలు తెరకెక్కించడంతో శేఖర్ కమ్ములది డిఫరెంట్ స్టైల్. మన నేటివిటీకి దగ్గర ఉండే కథలతో ప్రేక్షకులను మెప్పించారు ఈ టాలెంటెడ్ డైరెక్టర్.

నాగచైతన్యతో కలిసి లవ్ స్టోరీ అనే సినిమా తెరకెక్కించాడు శేఖర్ కమ్ముల. ఈ సినిమాలో సాయి పల్లవి హీరోయిన్ గా నటించింది. ఈ సినిమా మంచి విజయాన్ని అందుకుంది. ఈ సినిమాలో నాగచైతన్య తెలంగాణ కుర్రాడిగా నటించి ఆకట్టుకున్నాడు. నాగచైతన్య నటనతో పాటు డాన్స్ లతో కూడా ఆకట్టుకున్నాడు. ఇక ఇప్పుడు మరోసారి శేఖర్ కమ్ముల దర్శకత్వంలో మరోసారి సినిమా చేయబోతున్నాడని తెలుస్తోంది. మరి ఈ వార్తల్లో వాస్తవమెంత అన్నది తెలియాల్సి ఉంది.