Ram Charan : పాతబస్తీలో సందడి చేయనున్న మెగాపవర్ స్టార్ రామ్ చరణ్

ఆర్ఆర్ఆర్ సినిమాతో సెన్సేషనల్ హిట్ అందుకున్నారు మెగా పవర్ స్టార్ రామ్ చరణ్. ఏకంగా ఆర్ఆర్ఆర్ సినిమా ప్రపంచవ్యాప్తంగా గుర్తింపు తెచ్చుకుంది. మన్యం దొర అల్లూరి సీతారామరాజుగా చరణ్ నటన ప్రేక్షకులను మెప్పించింది. ఇప్పుడు ఈ సినిమా ప్రపంచ వ్యాప్తంగా గుర్తింపు తెచ్చుకోవడమే కాకుండా ఆస్కార్ నామినేషన్స్ వరకు వెళ్ళింది ఈ మూవీ. ఈ సినిమాలోని నాటు నాటు సాంగ్ ఆస్కార్ నామినేషన్ లో చోటు దక్కించుకుంది. ఇదిలా ఉంటే ఇప్పుడు చరణ్ మరో భారీ పాన్ ఇండియా ప్రాజెక్ట్ చేస్తున్నారు. స్టార్ డైరెక్షన్ శంకర్ దర్శకత్వంలో సినిమా చేస్తున్నాడు చరణ్. ఈ సినిమా షూటింగ్ శరవేగంగా జరుగుతోంది. బడా ప్రొడ్యూసర్ దిల్ రాజు భారీ బడ్జెట్ తో తెరకెక్కిస్తున్న ఈ సినిమాలో బాలీవుడ్ బ్యూటీ కియారా అద్వానీ హీరోయిన్ గా నటిస్తోంది. అలాగే సునీల్, శ్రీకాంత్, అంజలి కీలక పాత్రలో కనిపించనున్నారు. ఇక ఈ సినిమా పొలిటికల్ డ్రామాగా తెరకెక్కుతోందని తెలుస్తోంది. అలాగే ఈ సినిమాలో చరణ్ డ్యూయల్ రోల్ లో కనిపించనున్నాడట.

ప్రస్తుతం ఈ సినిమా షూటింగ్ శరవేగంగా జరుగుతోంది. తాజాగా ఈ సినిమా షూటింగ్ హైదరాబాద్ లోని పాతబస్తీలో చేయనున్నారట. హైదరాబాద్లోని పాతబస్తీలో ఓ పాటను షూట్ చేయబోతున్నారని తెలుస్తోంది. ఈ ఇండస్ట్రీలో ఈ వార్త చక్కర్లు కొడుతోంది.

ఇదిలా ఉంటే ఈ సినిమాలో మరో స్టార్ హీరో కూడా నటించనుండని టాక్ వినిపిస్తోంది. కన్నడ స్టార్ హీరో ఉపేంద్ర చరణ్ సినిమాలో కీలక పాత్రలో కనిపిస్తాడని అంటున్నారు. ఈ సినిమాలో ఉపేంద్ర సెకండాఫ్ లో కీలక పాత్రలో కనిపిస్తారని తెలుస్తోంది. త్వరలోనే దీనిపై క్లారిటీ రానుంది.