Adipurush Movie: ఆదిపురుష్ నుంచి క్రేజీ అప్డేట్.. ప్రీ రిలీజ్ ఈవెంట్ జరిగేది అక్కడేనా ?..
ఇప్పటికే షూటింగ్ కంప్లీట్ అయిన ఈ సినిమా జూన్ 16న తెలుగుతోపాటు.. హిందీ, తమిళం, కన్నడ, మలయాళం భాషలలో రిలీజ్ చేయబోతున్నారు. ఈ క్రమంలోనే ఇప్పటికే టీజర్ విడుదల చేయగా.. నెటిజన్స్ నుంచి విమర్శలు ఎదురయ్యాయి. వీఎఫ్ఎక్స్ మార్పు అనంతరం ఇటీవల విడుదలైన సీతమ్మ మోషన్ పోస్టర్ ఆక్టటుకుంది.
Updated on: May 02, 2023 | 11:12 AM
యంగ్ రెబల్ స్టార్ ఫ్యాన్స్ ఎప్పుడెప్పుడా అని ఆసక్తిగా ఎదురుచూస్తున్న చిత్రాలలో ఆదిపురుష్ ఒకటి. బాలీవుడ్ డైరెక్టర్ ఓంరౌత్ దర్శకత్వంలో ప్రభాస్ నటిస్తోన్న ఈ సినిమాపై ఇప్పటికే భారీ అంచనాలు నెలకొన్నాయి. ఇప్పటివరకు లవర్ బాయ్ గా.. మాస్ యాక్షన్ హీరోగా మెప్పించిన ప్రభాస్ తొలిసారి చేయబోతున్న పౌరాణిక చిత్రం కావడంతో ఈ సినిమా కోసం వేయి కళ్లతో వెయిట్ చేస్తున్నారు ఫ్యాన్స్. ఇందులో ప్రభాస్ రాముడిగా కనిపించనుండగా.. కృతి సనన్ సీత పాత్రలో.. సైఫ్ అలీ ఖాన్ రావణుడి పాత్రలలో కనిపించబోతున్నారు. ఇప్పటికే షూటింగ్ కంప్లీట్ అయిన ఈ సినిమా జూన్ 16న తెలుగుతోపాటు.. హిందీ, తమిళం, కన్నడ, మలయాళం భాషలలో రిలీజ్ చేయబోతున్నారు. ఈ క్రమంలోనే ఇప్పటికే టీజర్ విడుదల చేయగా.. నెటిజన్స్ నుంచి విమర్శలు ఎదురయ్యాయి. వీఎఫ్ఎక్స్ మార్పు అనంతరం ఇటీవల విడుదలైన సీతమ్మ మోషన్ పోస్టర్ ఆక్టటుకుంది.
తాజాగా ఈ సినిమా ట్రైలర్ రిలీజ్ గురించి ఓ క్రేజీ అప్డేట్ సోషల్ మీడియాలో చక్కర్లు కొడుతుంది. జూన్ 16న ఈ సినిమా రిలీజ్ కాబోతుండడంతో వీలైనంత త్వరగా ఈ మూవీ ట్రైలర్ ప్రేక్షకుల ముందుకు తీసుకురావాలని భావిస్తున్నారట మేకర్స్. అందులో భాగంగా మే 9న ఈ సినిమాను పాన్ ఇండియా లెవల్లో విడుదల చేయబోతున్నారని టాక్ వినిపిస్తోంది. అలాగే అదే రోజున తిరుపతి లో ప్రీ రిలీజ్ ఈవెంట్ నిర్వహించబోతున్నారని టాక్ . అతి త్వరలో ప్రమోషనల్ కార్యక్రమాలని స్టార్ట్ చేయాలని చూస్తోందట చిత్రయూనిట్. అయితే ఈ విషయంపై ఇప్పటివరకు ఎలాంటి అఫీషియల్ అనౌన్స్ రాలేదు.
ఇక ఇందులో రాముడి పాత్రలో కనిపించేందుకు ప్రభాస్ చాలా ఎక్కువగానే కష్టపడినట్లుగా తెలుస్తోంది. ముఖ్యంగా విలు విద్యలో శిక్షణ తీసుకున్నారట. ఈ సినిమాతోపాటు.. ప్రభాస్ సలార్, ప్రాజెక్ట్ కె చిత్రాల్లోనూ నటిస్తున్నారు. ప్రస్తుతం డార్లింగ్ నటిస్తున్న సినిమాలన్ని షూటింగ్స్ జరుపుకుంటున్నాయి.
