‘హిట్-2’ స్క్రిప్ట్ రెడీ..ఇక షూటింగే త‌రువాయి…

ఈ మ‌ధ్య తొలి చిత్రం ‘హిట్’ తో త‌నలో మంచి టాలెంట్ ఉంద‌ని నిరూపించాడు యంగ్ డైరెక్ట‌ర్ శైలేశ్ కొల‌ను. త‌న క‌థ‌తో న్యాచుర‌ల్ స్టార్ నానిని ఇంప్రెస్ చేసి..అత‌డితో డబ్బులు పెట్టించి..విశ్వ‌క్ సేన్ హీరోగా ‘హిట్: ది ఫస్ట్ కేస్’ పేరుతో సినిమా తీసేశాడు. ఈ థ్రిల్లర్ మూవీ ఫిబ్రవరి 28న రిలీజై మంచి విజయమే సాధించింది. అన్ సీజన్లో విడుద‌ల‌వ్వ‌డం మూలాన‌..సినిమాకు వసూళ్లు తగ్గాయి కానీ.. లేదంటే ఇంకా మంచి ఇంపాక్ట్ చూపించేది. ముఖ్యంగా ద‌ర్శ‌కుడు శైలేశ్ కు విమ‌ర్శ‌కుల ప్ర‌శంస‌లు సైతం ద‌క్కాయి. ఆ తర్వాత అమేజాన్ ప్రైంలోకి వచ్చిన ఈ మూవీ..అక్క‌డ కూడా మంచి రెస్పాన్స్ అందుకుంది.

ఈ సినిమాకు సీక్వెల్ ఉంటుందని ఏకంగా హీరో విశ్వ‌క్ సేనే చెప్పేశాడు. సినిమా చివర్లో కూడా అందుకు ఛాన్సస్ ఉన్న‌ట్లు నేరేష‌న్ ఇచ్చారు. అయితే ‘హిట్-2’ ప‌నులు ఎప్పుడు మొద‌ల‌వుతాయి.. నానినే నిర్మాత‌గా వ్య‌వ‌హ‌రిస్తాడా అనే విషయాలపై క్లారిటీ రాలేదు. శైలేష్ మధ్యలో వేరే సినిమా ఒకటి చేసి ఆ తర్వాత ‘హిట్-2’ మీద ఫోకస్ పెడ‌తాడ‌ని వార్త‌లొచ్చాయి. అయితే ఊహించ‌ని విధంగా.. లాక్ డౌన్ వ‌ల‌న టైమ్ దొర‌క‌డంతో శైలేశ్ ‘హిట్-2’ క‌థ‌ మీదే కూర్చునున్నాడ‌ట‌. ఆ సినిమాకు స్క్రిప్టు దాదాపుగా కంప్లీట్ చేశాడ‌ని టాక్. తాను లాక్ డౌన్ సమయాన్ని ఎలా వినియోగించుకున్నానో చూపిస్తూ అతను ట్విట్టర్లో చిన్న వీడియో రిలీజ్ చేశాడు. అందులో ‘హిట్-2’ స్క్రిప్ట్ ఫైల్‌ను చూపించాడు. ఆ ఫైల్ సైజ్ చూస్తే కథ దాదాపుగా కంప్లీట్ అయినట్లే కనిపిస్తోంది. ఈ క‌థ‌ను ఆస్ట్రేలియా రైటర్స్ గైడ్‌లో రిజిస్టర్ చేయించినట్లు.. ఫైల్ మీద నోట్ ఉంది. దీంతో ఇక ‘హిట్-2’ షూటింగ్ మొద‌లెట్ట‌డమే త‌రువాయి అంటున్నారు నెటిజ‌న్లు.