Krithi Shetty: దేవకన్యలా మెరిసిన బేబమ్మ.. కృతి శెట్టి శారీ ధర తెలిస్తే మైండ్ బ్లాక్ అవ్వాల్సిందే

తక్కువ టైంలోనే విపరీతమైన క్రేజ్ తెచ్చుకున్న బ్యూటీస్ లో అందాల భామ కృతి శెట్టి ఒకరు. బుచ్చిబాబు సనా  దర్శకత్వంలో వచ్చిన ఉప్పెన సినిమాతో హీరోయిన్ గా పరిచయం అయ్యింది ఈ మంగుళూరు బ్యూటీ. తొలి సినిమాతోనే అందరి దృష్టిని ఆకర్షించింది. అందం అభినయంతో కుర్రకారును కట్టిపడేసింది కృతి. ఇక తొలి సినిమా సూపర్ హిట్ అవ్వడంతో ఈ అమ్మడికి వరుస ఆఫర్లు క్యూ కట్టాయి. ఉప్పెన సినిమా తర్వాత నేచురల్ స్టార్ నాని నటించిన శ్యామ్ సింగరాయ్ సినిమాలో చేసింది. తొలి సినిమాలో పద్దతిగా కనిపించిన కృతి ఈ సినిమాలో రెచ్చిపోయి నటించింది. ఏకంగా లిప్ లాక్ తో అందరికి షాక్ ఇచ్చింది. ఈ సినిమా కూడా సూపర్ హిట్ గా నిలిచింది. ఆ వెంటనే నాగచైతన్య, నాగార్జున కలిసి నటించిన బంగార్రాజు సినిమాలో చైతూతో జతకట్టింది. ఈ సినిమా కూడా బాక్సాఫీస్ దగ్గర హిట్ గా నిలిచింది. ఇలా వరుస విజయాలను అందుకొని స్టార్ గా మారిపోయింది.

అయితే ఆ తర్వాత ఈ అమ్మడికి బ్యాడ్ టైం స్టార్ట్ అయ్యింది. చేసిన సినిమాలన్నీ ఫ్లాప్ అయ్యాయి. ఎనర్జిటిక్ స్టార్ రామ్ సరసన వారియర్ అనే సినిమాలో నటించింది. ఈ సినిమా డిజాస్టర్ గా నిలిచింది. ఆ తర్వాత వచ్చిన ఆ అమ్మాయి గురించి మీకు చెప్పాలి అనే సినిమా చేసింది. ఈ సినిమా కూడా ఫ్లాప్ అయ్యింది.ఆ వెంటనే నితిన్ నటించిన మాచర్ల నియోజకవర్గం అనే సినిమా చేసింది. ఈ సినిమా కూడా బాక్సాఫీస్ దగ్గర బోల్తా కొట్టింది.

ఇదిలా ఉంటే ప్రస్తుతం ఈ భామ చేతిలో ఒకే ఒక్క సినిమా ఉంది. నాగచైతన్య నటిస్తోన్న కస్టడీ సినిమాలో హీరోయిన్ గా చేస్తోంది . అయితే తాజాగా ఈ అమ్మడు కట్టుకున్న శారీ ఇప్పుడు హాట్ టాపిక్ గా మారింది. ఇటీవల ఈ అమ్మడు అదిరిపోయే శారీ లో దర్శనమిచ్చింది. ఆ శారీ పేరు సావన్ గాంధీ – ఐవరీ ముకీష్ వర్క్ శారీ. దాని ధర ఏకంగా రూ. 99,000 అని తెలుస్తోంది. బేబమ్మ శారీ కాస్ట్ దెబ్బకు ఫ్యాన్స్ నోరెళ్లబెడుతున్నారు.

Krithi Shetty.1