Rahul Sipligunj: లాస్ ఏంజిల్స్‌లో సందడి చేస్తోన్న రాహుల్ సిప్లిగంజ్.. గ్లోబల్ బ్యూటీతో ఇలా

ప్రస్తుతం ఎక్కడ చూసిన ఆర్ఆర్ఆర్ హంగామానే కనిపిస్తోంది. రాజమౌళి తెరకెక్కించిన ఆర్ఆర్ఆర్ సినిమా ఎంతటి ఘనవిజయాన్ని సాధించిందో ప్రత్యేకించి చెప్పాల్సిన అవసరం లేదు. మెగా పవర్ స్టార్ రామ్ చరణ్, యంగ్ టైగర్ ఎన్టీఆర్ కలిసి నటించిన ఈ సినిమా సంచలన విజయాన్ని అందుకోవడమే కాకుండా.. ఆస్కార్ బరిలో నిలవడం తెలుగు ప్రేక్షకులకు ఎంతో గర్వకారణం. ఇప్పటివరకు అనేక అవార్డ్స్ అందుకున్న ఈ మూవీ హాలీవుడ్ ఫిలిం క్రిటిక్స్ అసోసియేషన్ అవార్డులలో ఏకంగా నాలుగు కేటగిరీల్లో అవార్డులను అందుకుంది. ఈ సినిమాలోని నాటు నాటు సాంగ్ గోల్డెన్ గ్లోబల్ అవార్డు సాధించిన విషయం తెలిసిందే. ఇక ఇప్పుడు ఆస్కార్ కు కూడా నామినేట్ అయ్యింది ఈ సాంగ్.

‘ఆస్కార్’ కి అడుగుదూరంలో ఉంది ఆర్ఆర్ఆర్. ఇప్పటికే రాజమౌళి .. ఎన్టీఆర్ .. చరణ్ అంతా యూ.ఎస్ అడుగు పెట్టారు. అక్కడ వరుస ఇంటర్వ్యూలు ఇస్తూ ఫుల్ బిజీగా గడిపేస్తున్నారు. అలాగే ఆర్ఆర్ఆర్ కు ఆస్కార్ అవార్డు రావాలని తెలుగు ప్రేక్షకులంతా కోరుకుంటున్నారు.

ఇప్పటికే ఈ మూవీ టీమ్ అమెరికాలో అడుగుపెట్టారు. రామ్ చరణ్, ఎన్టీఆర్, రాజమౌళితో పాటు కీరవాణి చంద్రబోస్ కూడా అమెరికాకు వెళ్లారు. అలాగే నాటు నాటు సాంగ్ సింగర్స్ రాహుల్ సిప్లిగంజ్, కాలభైరవ కూడా అమెరికా వెళ్లారు. కాలి ఫోర్నియాలోని లాస్ ఏంజిల్స్ లో ఉన్న రాహుల్ తాజాగా గ్లోబల్ బ్యూటీ ప్రియాంకా చోప్రాతో కలిసి ఫోటో దిగారు. ఆ ఫోటోను సోషల్ మీడియాలో షేర్ చేశాడు. ఇప్పుడు ఈ పిక్ నెట్టింట వైరల్ గా మారింది.

View this post on Instagram

A post shared by Rahul Sipligunj (@sipligunjrahul)