Mahesh babu-Sreeleela: మహేష్ సినిమా నుంచి తప్పుకున్న శ్రీలీల..? కారణం ఇదేనా..
పెళ్ళసందD సినిమాతో హీరోయిన్ గా పరిచయం అయిన శ్రీలీల వరుస ఆఫర్లతో దూసుకుపోతోంది. దర్శకేంద్రుడు రాఘవేంద్రరావు దర్శకత్వ పర్యవేక్షణలో తెరకెక్కిన పెళ్లి సందD సినిమాలో శ్రీలీల తన అందం, అభినయంతో ఆకట్టుకుంది.
Updated on: Jan 07, 2023 | 3:32 PM
ప్రస్తుతం టాలీవుడ్ లో సెన్సేషనల్ క్రేయేట్ చేస్తోన్న ముద్దుగుమ్మ శ్రీలీల. మోస్ట్ హ్యాపెనింగ్ బ్యూటీగా దూసుకుపోతోంది ఈ భామ. పెళ్ళసందD సినిమాతో హీరోయిన్ గా పరిచయం అయిన శ్రీలీల వరుస ఆఫర్లతో దూసుకుపోతోంది. దర్శకేంద్రుడు రాఘవేంద్రరావు దర్శకత్వ పర్యవేక్షణలో తెరకెక్కిన పెళ్లి సందD సినిమాలో శ్రీలీల తన అందం, అభినయంతో ఆకట్టుకుంది. తొలి సినిమాతోనే తెలుగు ప్రేక్షకుల మనసు దోచేసింది ఈ చిన్నది. ఇక రెండో సినిమానే మాస్ మహారాజ రవితేజ తో చేసే ఛాన్స్ అందుకుంది ఈ బ్యూటీ. రీసెంట్ గా రిలీజ్ అయిన ధమాకా సినిమా మంచి విజయాన్ని అందుకుంది. దాంతో ఈ అమ్మడికి క్రేజ్ పెరిగింది. కుర్ర హీరోలంతా ఇప్పుడు ఈ బ్యూటీ వైపే చూస్తున్నారు. ఇదిలా ఉంటే ఇప్పటికే క్రేజీ ప్రాజెక్ట్స్ ను లైనప్ చేసింది శ్రీలీల. వాటిలో సూపర్ స్టార్ మహేష్ బాబు సినిమా కూడా ఉందని తెలుస్తోంది.
సూపర్ స్టార్ మహేష్ బాబు , మాటల మాంత్రికుడు త్రివిక్రమ్ దర్శకత్వంలోని తెరకెక్కుతోన్న సినిమాలో శ్రీలీల సెకండ్ హీరోయిన్ గా ఎంపిక అయిందని టాక్ వినిపిస్తోంది. అయితే ఈ సినిమానుంచి ఇప్పుడు శ్రీలీల తప్పుకుందని ప్రచారం జరుగుతోంది. మహేష్ కెరీర్ లో 28వ సినిమాగా వస్తోన్న ఈ మూవీ పై భారీ అంచనాలు ఉన్నాయి. ఈ సినిమాలో మెయిన్ హీరోయిన్ గా పూజాహెగ్డే నటిస్తుండగా ఆమె సిస్టర్ గా శ్రీలీలను ఎపిక చేశారట.
అయితే ఈ సినిమా షూటింగ్ ఆలస్యం అవుతూ వస్తోంది. దాంతో డేట్స్ అడ్జెస్ట్ కాకపోవడంతో ఈ ప్రాజెక్ట్ నుంచి శ్రీలీల తప్పుకుందని టాక్ వినిపిస్తోంది. మహేష్ బాబు లాంటి స్టార్ హీరో సినిమా మిస్ చేసుకోవడం ఈ అమ్మడి బ్యాడ్ లక్ అని కొందరు అంటున్నారు. మరి ఈ వార్తల్లో వాస్తవమెంత అన్నది తెలియాల్సి ఉంది.
