Happy Days: ‘హ్యాపీ డేస్’ బ్యూటీ శ్రావ్స్ గుర్తుందా? ఇప్పుడేంటి ఇలా మారిపోయింది! లేటెస్ట్ ఫొటోస్ వైరల్

టాలీవుడ్ సెన్సిబుల్ డైరెక్టర్ గా పేరు తెచ్చుకున్న శేఖర్ కమ్ముల తెరకెక్కించిన చిత్రం హ్యాపీ డేస్. 2007లో విడుదలైన ఈ సినిమా యూత్ ను తెగ ఆకట్టుకుంది. ఇంజినీరింగ్ కాలేజీ నేపథ్యంలో కొత్త నటీనటులతో తెరకెక్కించిన ఈ మూవీ అప్పట్లో బ్లాక్ బస్టర్ గా నిలిచింది. హ్యపీడేస్ సినిమాలో వరుణ్ సందేశ్, తమన్నా, నిఖిల్ సిద్ధార్థ, గాయత్రీ రావు, టైసన్ (రాహుల్), సోనియా దీప్తి, కృష్ణుడు తదితరుల ప్రధాన పాత్రలు పోషించారు

Happy Days Movie Fame Sravs

Updated on: Jul 29, 2024 | 7:03 PM

టాలీవుడ్ సెన్సిబుల్ డైరెక్టర్ గా పేరు తెచ్చుకున్న శేఖర్ కమ్ముల తెరకెక్కించిన చిత్రం హ్యాపీ డేస్. 2007లో విడుదలైన ఈ సినిమా యూత్ ను తెగ ఆకట్టుకుంది. ఇంజినీరింగ్ కాలేజీ నేపథ్యంలో కొత్త నటీనటులతో తెరకెక్కించిన ఈ మూవీ అప్పట్లో బ్లాక్ బస్టర్ గా నిలిచింది. హ్యపీడేస్ సినిమాలో వరుణ్ సందేశ్, తమన్నా, నిఖిల్ సిద్ధార్థ, గాయత్రీ రావు, టైసన్ (రాహుల్), సోనియా దీప్తి, కృష్ణుడు తదితరుల ప్రధాన పాత్రలు పోషించారు. వీరందరూ ఇప్పుడు సినిమా ఇండస్ట్రీలో తమకంటూ ఓ ప్రత్యేక గుర్తింపు తెచ్చుకున్నారు. ఇదిలా ఉంటే ఈ సినిమాలో కర్లీ హెయిర్ తో కనిపించిన శ్రావ్స్ (సోనియా దీప్తి)కు యూత్ బాగా కనెక్ట్ అయ్యారు. ఆమె లుక్‌ కు తోడు తన స్వీట్ వాయిస్ కుర్రాళ్లకు తెగ నచ్చేసింది. ఈ సినిమాతో సోనియాకు ఫ్యాన్ ఫాలోయింగ్ కూడా పెరిగింది. ఇదే క్రేజ్ తో కృష్ణుడు నటించిన వినాయకుడు సినిమాతో సోలో హీరోయిన్ గా ఎంట్రీ ఇచ్చింది. ఈ సినిమ కూడా హిట్ గా నిలిచింది. ఆ తర్వాత కార్తీ ‘ఆవారా’, మహేశ్ బాబు దూకుడు సినిమాల్లో స్పెషల్ రోల్స్ పోషించింది. శివాజీతో కలిసి బ్రహ్మా లోకం టూ యమలోకం వయా భూలోకం సినిమాలో హీరోయిన్ గా నటించింది.

తెలుగుతో పాటు కొన్ని తమిళ్, కన్నడ సినిమాల్లో నూ నటించింది సోనియా. అయితే ఆ తర్వాత ఉన్నట్లుండి సినిమాలకు దూరమైందీ అందాల తార. చివరగా 2016లో చిన్ని చిన్నీ ఆశలు నాలో రేగేనే అనే సినిమాలో కనిపించింది. అయితే చాలా రోజుల తర్వాత అనుష్క, నవీన్ పొలిశెట్టి హీరోహీరోయిన్లుగా నటించిన మిస్ శెట్టి మిస్టర్ పోలిశెట్టి సినిమాలో ఒక కీలక పాత్రలో మెరిసింది సోనియా దీప్తి. ఇదిలా ఉంటే మిస్ శెట్టి మిస్టర్ పోలిశెట్టి సినిమాలో ప్రమోషన్లలో చురుగ్గా పాల్గొన్న సోనియా దీప్తి ఆ తర్వాత సైలెంట్ అయిపోయింది. సోషల్ మీడియా లోనూ పెద్దగా కనిపించడం లేదు. ఇవాళ ఆమె పుట్టిన రోజు సందర్భంగా అభిమానులు, నెటిజన్లు సోనియాకు పుట్టిన రోజు శుభాకాంక్షలు తెలుపుతున్నారు.