Bigg Boss: ‘గుప్పెడంత మనసు’ సీరియల్కు శుభం కార్డ్.. బిగ్బాస్లోకి రిషి, వసుధార.. ?
చాలాకాలం ఈ సీరియల్ కు దూరంగా ఉన్న రిషి.. ఇటీవలే రీఎంట్రీ ఇవ్వడంతో ఫ్యాన్స్ ఫుల్ ఖుషీ అయ్యారు. కానీ అప్పుడే అభిమానులకు షాకిచ్చారు మేకర్స్. సీరియల్ ఫ్యాన్స్ హార్ట్ బ్రేక్ చేస్తూ గుప్పెడంత మనసు సీరియల్ కు శుభం కార్డ్ వేశారు. ఇప్పటికే ఈ సీరియల్ షూటింగ్ కూడా క్లోజ్ అయ్యింది. ఇప్పుడిప్పుడే రిషి రావడంతో ఖుషి అయిన అభిమానులకు సీరియల్ క్లోజ్ అంటూ పెద్ద షాకిచ్చారు.
బుల్లితెరపై అత్యంత ప్రేక్షకాదరణ సొంతం చేసుకున్న సీరియల్ గుప్పెడంత మనసు. కార్తీక దీపం సీరియల్ తర్వాత ఆ స్థాయిలో అభిమానులను సంపాదించుకుంది. ముఖ్యంగా ఈ సీరియల్లో హీరోహీరోయిన్లుగా నటించిన రిషి, వసుధార పాత్రలకు ప్రత్యేకంగా ఫ్యాన్ బేస్ ఉంది. ఇందులో రిషి పాత్రలో ముఖేష్ గౌడ, వసుధార పాత్రలో రక్షిత గౌడ తమ అద్భుతమైన నటనతో తెలుగు అడియన్స్ హృదయాల్లో చెరగని స్థానం సంపాదించుకున్నారు. అయితే కొన్ని నెలలపాటు ఈ సీరియల్లో రిషి కనిపించకపోవడంతో సోషల్ మీడియాల అతడి ఫ్యాన్స్ చేసిన రచ్చ గురించి తెలిసిందే. చాలాకాలం ఈ సీరియల్ కు దూరంగా ఉన్న రిషి.. ఇటీవలే రీఎంట్రీ ఇవ్వడంతో ఫ్యాన్స్ ఫుల్ ఖుషీ అయ్యారు. కానీ అప్పుడే అభిమానులకు షాకిచ్చారు మేకర్స్. సీరియల్ ఫ్యాన్స్ హార్ట్ బ్రేక్ చేస్తూ గుప్పెడంత మనసు సీరియల్ కు శుభం కార్డ్ వేశారు. ఇప్పటికే ఈ సీరియల్ షూటింగ్ కూడా క్లోజ్ అయ్యింది. ఇప్పుడిప్పుడే రిషి రావడంతో ఖుషి అయిన అభిమానులకు సీరియల్ క్లోజ్ అంటూ పెద్ద షాకిచ్చారు.
అయితే ఈ సీరియల్ కు ఉన్నట్లుండి శుభంకార్డ్ వేసారు మేకర్స్. నిజానికి ఈ సీరియల్లో అనేక సందేహాలు ఉండిపోయాయి. రంగా ఎవరు.. ? రిషికి, రంగాకి ఉన్న సంబంధం ఏంటీ..? అసలు రిషి రంగాగా ఎందుకు నటించాడు ? అనే విషయాలకు ఎలాంటి క్లారిటీ ఇవ్వకుండానే సీరియల్ కు ముగింపు పలికారు. అయితే ఇలా ఆకస్మాత్తుగా గుప్పెడంత మనసు సీరియల్ కు గుమ్మడికాయ కొట్టడంతో సోషల్ మీడియాలో అనేక వార్తలు చక్కర్లు కొడుతున్నాయి. ప్రస్తుతం నెట్టింట వినిపిస్తున్న సమాచారం ప్రకారం.. గుప్పెడంత మనసు సీరియల్ కు ఇలా ఉన్నట్లుండి ముగింపు పలకడానికి మరో కారణం ఉందంటున్నారు ఫ్యాన్స్. అదెంటంటే.. బిగ్ బాస్.
అవును.. గుప్పెడంత మనసు సీరియల్ ను ఆకస్మాత్తుగా క్లోజ్ చేయడానికి కారణం బిగ్ బాస్ రియాల్టీ షో అని తెలుస్తోంది. ఈ సీరియల్లో హీరోహీరోయిన్లుగా నటించిన రిషి, వసుధార ఇద్దరూ బిగ్ బాస్ షోలోకి ఎంట్రీ ఇస్తున్నారని టాక్ నడుస్తుంది. అయితే వీరిద్దరు ఒకే బిగ్ బాస్ షోలోకి కాకుండా.. వేరు వేరుగా వెళ్తున్నారట. అంటే కన్నడ బిగ్ బాస్ రియాల్టీ షోలోకి రిషి అలియాస్ ముఖేష్ గౌడ వెళ్తుండగా.. తెలుగు బిగ్ బాస్ షోలోకి వసుధార అలియాస్ రక్షిత గౌడ కంటెస్టెంట్ గా వెళ్తుందని టాక్ వినిపిస్తుంది. అందుకే ఇప్పుడు ఉన్నట్లుండి ఈ షోను క్లోజ్ చేసినట్లు తెలుస్తోంది. అయితే దీనిపై ఇప్పటివరకు ఎలాంటి అధికారిక సమాచారం రాలేదు. మరికొన్ని రోజుల్లో తెలుగు బిగ్ బాస్, కన్నడ బిగ్ బాస్ షోలు ప్రారంభం కానున్నాయి.
