Tollywood: రజనీకాంత్ వీరాభిమాని.. ఆ భయంకరమైన వ్యాధిని ఎదిరించి టాలీవుడ్ హీరోగా.. ఎవరో గుర్తు పట్టారా?

పై ఫొటోను గమనించారా? అందులో రజనీకాంత్ ను ఈజీగా గుర్తు పట్టవచ్చు. అయితే ఆయన పక్కనే సర్కిల్ లో ఉన్న పిల్లాడిని గుర్తు పట్టారా? ఆ పిల్లాడు ఇప్పుడు పెరిగి పెద్దయ్యాడు. దక్షిణాదిలో స్టార్ హీరోగా గుర్తింపు తెచ్చుకున్నాడు. అంతేకాదు డైరెక్టర్ గానూ సత్తా చాటాడు. అయితే ఈ నటుడు చిన్నతనంలోనే బ్రెయిన్ ట్యూమర్ బారిన పడ్డాడు. మనో ధైర్యంతో దానిని అధిగమించి ఇండస్ట్రీలోకి అడుగు పెట్టాడు.  మొదట సైడ్ డ్యాన్సర్ గా కెరీర్ ప్రారంభించాడు. ఆ తర్వాత కొరియోగ్రాఫర్ గా సక్సెస్ అయ్యాడు. మెగాస్టార్ చిరంజీవి, నాగార్జున వంటి స్టార్ హీరోల సినిమాలకు నృత్య రీతులు సమకూర్చాడు. నృత్య దర్శకుడిగా 4 ఫిలిం ఫేర్ అవార్డులు, 3 నంది పురస్కారాలు కూడా అందుకున్నాడు. ఇక మెగా ఫోన్ పట్టి డైరెక్టర్ గానూ సక్సెస్ అయ్యాడు. నాగార్జున, ప్రభాస్ వంటి స్టార్ హీరోలతో సినిమాలు తీశాడు. సినిమాల సంగతి పక్కన పెడితే.. ఈ హీరోను కోట్లాది మంది అభిమానించడానికి ప్రధాన కారణం అతను చేస్తున్న సామాజిక సేవా కార్యక్రమాలే. ఒక సేవా ఫౌండేషన్ ను నెలకొల్పి ఎంతో మంది పిల్లలకు గుండె చికిత్స లు చేయించాడు. వేలాది మంది అనాథలకు ఆశ్రయం కలిపించారు. సొంతంగా వృద్ధ, అనాథశ్రమాలు ఏర్పాటు చేసి ఎంతో మందికి నీడను అందిస్తున్నాడు. అనాథ, పేద పిల్లలకు ఉచిత విద్యను అందిస్తున్నాడు. రైతులకు ట్రాక్టర్లు అందజేస్తున్నాడు. మహిళలకు కుట్టు మిషన్లు అందజేస్తున్నాడు. కష్టాల్లో ఉన్నవారికి నేనున్నానంటూ ఆపన్న హస్తం అందించడంలో ముందుంటాడీ హీరో. అందుకే అతనిని రియల్ హీరో అభివర్ణిస్తారు. మరి అతనెవరో ఈ పాటికే చాలా మందికి అర్థమై ఉంటుంది. పై ఫొటోలో రజనీతో ఉన్నది మరెవరో కాదు రాఘవ లారెన్స్. ఈరోజు (అక్టోబర్ 29) అతని పుట్టిన రోజు. ఈ నేపథ్యంలో లారెన్స్ కు సంబంధించి పలు ఫొటోలు నెట్టింట చక్కర్లు కొడుతున్నాయి.

ప్రస్తుతం దక్షిణాది సినిమా ఇండస్ట్రీలో రాఘవ లారెన్స్ కు ప్రత్యేక గుర్తింపు ఉంది. ఈ మధ్యన అతను ఎక్కువగా హీరోగానే కనిపిస్తున్నాడు. ప్రస్తుతం ముని-4 షూటింగ్ లో బిజి బిజీగా ఉంటున్నాడు లారెన్స్. ఇందులో పూజా హెగ్డే దయ్యంగా నటించనుందని ఆ మధ్యన రూమర్లు వినిపించాయి.

ఇవి కూడా చదవండి

ఓటీటీలోకి వచ్చేసిన సూపర్ హిట్ సినిమాలు.. స్ట్రీమింగ్ లిస్ట్ ఇదిగో

ఉపాసనకు రెండో బిడ్డ.. మళ్లీ తప్పిన వేణుస్వామి జ్యోతిష్యం.. వీడియో

సల్మాన్ ఖాన్ మద్యం తాగి బిగ్‌బాస్ హౌస్‌కు వచ్చాడా? వీడియో వైరల్

మెడికల్ కాలేజీలో వరుస మరణాలు.. ఓటీటీలో గుండె దడ పుట్టించే సినిమా

రజనీకాంత్ తో రాఘవ లారెన్స్..

Thanks to Thalaivar for his love!

I’m so happy to share that today, Thalaivar made my birthday so special by sending me the sweetest wish early in the morning. Hearing his voice truly made my day! I’ll forever be grateful for his love and blessings. #GuruveSaranam 🙏❤️ pic.twitter.com/x3F3glSI56

— Raghava Lawrence (@offl_Lawrence) October 29, 2025

కాగా రజనీకాంత్ ను లారెన్స్ అమితంగా అభిమానిస్తారు. నిజం చెప్పాలంటే ఆయనను ఒక గురువులా భావిస్తారు. తీరికదొరికనప్పుడల్లా రజనీ ఇంటికి వెళ్లి కలుస్తుంటాడు. కాగా రజనీకాంత్ నటించిన చంద్రముఖి సినిమా సీక్వెల్ లో రాఘవ లారెన్స్ హీరోగా నటించాడు. అయితే ఈ సినిమా పెద్దగా ఆడలేదు.

I want to take a moment to express my gratitude to everyone of you for the love and support you’ve shown towards my new video about my initiative, Kanmani Annadhana Virundhu. Your encouragement gives me the strength to continue this journey of service.

With all your blessings,… pic.twitter.com/YyJYi1BYpy

— Raghava Lawrence (@offl_Lawrence) September 18, 2025

మరిన్ని సినిమా వార్తల కోసం ఇక్కడ క్లిక్ చేయండి.