Ajith Kumar: ఏం తింటున్నావ్ అన్న..!! అజిత్ నయా లుక్.. పిచ్చెక్కిపోతున్న ఫ్యాన్స్

తమిళ్ స్టార్ హీరో అజిత్ కు తెలుగులోనూ మంచి ఫ్యాన్ ఫాలోయింగ్ ఉంది. ఆయన నటించిన సినిమాలన్నీ తెలుగులోనూ మంచి విజయాలను అందుకున్నాయి. ఇక తమిళనాట ఆయన క్రేజ్ గురించి చెప్పాల్సిన అవసరం లేదు. అజిత్ సినిమా వస్తుందంటే చాలు ఆయన అభిమానులు పూనకాలతో ఊగిపోతారు.

Ajith

Rajeev Rayala |

Updated on: Mar 31, 2025 | 7:14 AM

కోలీవుడ్ స్టార్ హీరో అజిత్ మూవీస్ కోసం ఇటు తెలుగు ఫ్యాన్స్ సైతం ఆసక్తిగా ఎదురుచూస్తుంటారు. కొన్నాళ్లుగా చేతినిండా సినిమాలతో బిజీగా ఉన్నారు ఈహీరో. గతేడాది తెగింపు సినిమాతో అడియన్స్ ముందుకు వచ్చిన అజిత్.. ఇటీవలే విడాముయార్చి సినిమాతో ప్రేక్షకులను అలరించారు. ఈ చిత్రంలో హీరోయిన్ త్రిష మరోసారి అజిత్ సరసన జత కట్టింది. గతంలో వీరిద్దరి కాంబోలో వచ్చిన ఎంతవాడు గానీ సినిమా సూపర్ హిట్ కాగా.. చాలా కాలం తర్వాత ఈ హిట్ కాంబో రిపీట్ అయ్యింది. ఇక ఈ చిత్రంలో కన్నడ హీరో అర్జున్ విలన్ పాత్రలో కనిపించగా.. హీరోయిన్ రెజీనా కీలకపాత్ర పోషించింది. తమిళంలో విడాముయార్చి పేరుతో విడుదలైన ఈ సినిమాను తెలుగులో పట్టుదల పేరుతో రిలీజ్ చేశారు.

ఇక ఇప్పుడు గుడ్ బ్యాడ్ అగ్లీ అనే సినిమాతో ప్రేక్షకుల ముందుకు రానున్నాడు. ఈ సినిమా షూటింగ్ జెట్ స్పీడ్ తో జరుగుతుంది. దర్శకుడు అధిక్ రవిచంద్రన్ దర్శకత్వంలో ఈ సినిమా తెరకెక్కుతుంది. ఈ సినిమాను మైత్రి మూవీ మేకర్స్ నిర్మిస్తోంది. ఈ చిత్రంలో అజిత్ కుమార్ త్రిపాత్రాభినయం చేయనున్నట్లు టాక్ వినిపిస్తుంది. ఇక ఈ సినిమాలో అజిత్ లుక్ ఇప్పుడు సోషల్ మీడియాలో వైరల్ గా మారింది.

తాజాగా దర్శకుడు షేర్ చేసిన ఫోటో ఇప్పుడు నెట్టింట చక్కర్లు కొడుతుంది. చిత్ర దర్శకుడు అధిక్ రవిచంద్రన్ అజిత్ కొత్త లుక్ ను విడుదల చేశాడు. ఆ ఫోటోలో, అజిత్ క్లీన్ షేవ్ తో కనిపిస్తున్నాడు. సినిమాల్లోకి వచ్చిన తొలినాళ్లలో ఉన్నట్లుగానే ఉన్నాడు. ఈ ఫోటో ప్రస్తుతం ఇంటర్నెట్‌లో వైరల్ అవుతోంది. అభిమానులు ఈ ఫోటో పై రకరకాల కామెంట్స్ చేస్తున్నారు. ఎవర్ గ్రీన్ అజిత్ అంటూ కామెంట్స్ చేస్తున్నారు. ఈ చిత్రం ఏప్రిల్ 10, 2025న ప్రపంచవ్యాప్తంగా విడుదల కానుంది. ఈ చిత్రం మంచి ఆదరణ పొంది విజయం సాధిస్తుందని భావిస్తున్నారు చిత్ర యూనిట్.