F3 Movie: దూసుకుపోతున్న ఎఫ్ 3.. మొదటి వారం ఎంత వసూల్ చేసిందంటే..
సమ్మర్ సోగ్గాళ్లుగా థియేటర్స్ లో సందడి చేస్తున్నారు వెంకీ, వరుణ్. అనిల్ రావిపూడి దర్శకత్వం వహించిన ఎఫ్3 సినిమా సంచలన విజయాన్ని అందుకుంది ఈ మూవీ
Updated on: Jun 03, 2022 | 5:32 PM
సమ్మర్ సోగ్గాళ్లుగా థియేటర్స్ లో సందడి చేస్తున్నారు వెంకీ, వరుణ్. అనిల్ రావిపూడి దర్శకత్వం వహించిన ఎఫ్3(F3 Movie) సినిమా సంచలన విజయాన్ని అందుకుంది ఈ మూవీ. దిల్ రాజు సమర్పణలో శిరీష్ నిర్మించిన ఎఫ్ 3లో తమన్నా, మెహ్రీన్, సోనాల్ చౌహాన్, సునీల్, రాజేంద్ర ప్రసాద్ కీలక పాత్రలలో అలరించారు. గతంలో వచ్చిన ఎఫ్2 సినిమాకు సీక్వెల్ గా ఈ మూవీ వచ్చింది. ఎఫ్ 2 కు మించి ఈ సినిమాలో కామెడీ ఉండటంతో ప్రేక్షకులు సినిమాను బాగా ఎంజాయ్ చేస్తున్నారు. ఎఫ్ 3 సినిమా ప్రపంచ వ్యాప్తంగా మే 27న ప్రేక్షకుల ముందుకు వచ్చింది. హీరోయిన్లు తమన్నా భాటియా – మెహ్రీన్ పాత్రలు కూడా వినోదభరితంగా ఉన్నాయని సినిమా చూసినవాళ్లు అంటున్నారు.ఇక ఈ సినిమాలో సీన్ సీన్‌కి.. స్క్రీన్ మీద పేలుతున్న పంచులకీ.. ఫన్ ఫుల్గా ఫీలవుతున్నారు ఇదే ఆడియన్స్. ఎఫ్ 2′ సినిమాలోని ఫన్ అండ్ ఫ్రస్టేషన్ ను ఈసారి ‘ఎఫ్ 3’ లో డబ్బు నేపథ్యంలో చూపించారు దర్శకుడు అనిల్ రావిపూడి.
ఇక ఈ సినిమా ఫస్ట్ డే నే మంచి వసూళ్లతో సత్తా చాటింది. ఎఫ్ 3′ సినిమా మొదటి వారంలో ప్రపంచ వ్యాప్తంగా 94 కోట్ల గ్రాస్ వసూలు చేసిన ఈ సినిమా.. 100 కోట్ల గ్రాస్ మార్క్ దిశగా దూసుకుపోతోందని మేకర్స్ ప్రకటించారు. తెలుగు రాష్ట్రాల్లో రూ. 41.06 కోట్ల షేర్ వసూలు చేసింది. అలాగే వరల్డ్ వైడ్ గా 52.1 కోట్లు షేర్ చేసింది ఎఫ్ 3. నైజాం – 17 కోట్లు, UA – 5.42 కోట్లు, తూర్పు – 3.2 కోట్లు, వెస్ట్ – 2.44 కోట్లు, సీడెడ్ – 6.7 కోట్లు, గుంటూరు – 3.20 కోట్లు, కృష్ణ – 3.1 కోట్లు, మొత్తం AP/TS షేర్ – 41.06 కోట్లు, కర్ణాటక – 2.30 కోట్లు, రెస్టాఫ్ ఇండియా – 1.5 కోట్లు, ఓవర్సీస్ – 7.2 కోట్లు, వరల్డ్ వైడ్ ఫస్ట్ వీక్ షేర్ – 52.1 కోట్లు, వరల్డ్ వైడ్ గ్రాస్ – 94 కోట్లు ఎఫ్ 3 మూవీ రాబట్టిందని మేకర్స్ ప్రకటించారు.
