Pushpa: జోరు పెంచిన పుష్పరాజ్.. ఫ్యాన్స్‏కు స్పెషల్ సర్‏ప్రైజ్ ఇచ్చిన మేకర్స్.. ఏయ్ బిడ్డా అంటూ ట్వీట్..

ఐకాన్ స్టార్ అల్లు అర్జున్ ప్రధాన పాత్రలో డైరెక్టర్ సుకుమార్ తెరకెక్కిస్తున్న సినిమా పుష్ప. చాలా కాలం త్వరాత సుకుమార్,

Rajitha Chanti |
Updated on: Nov 14, 2021 | 11:57 AM

ఐకాన్ స్టార్ అల్లు అర్జున్ ప్రధాన పాత్రలో డైరెక్టర్ సుకుమార్ తెరకెక్కిస్తున్న సినిమా పుష్ప. చాలా కాలం త్వరాత సుకుమార్, బన్నీ కాంబోలో వస్తున్న ఈ సినిమాపై అంచనాలు భారీగానే ఉన్నాయి. ఇక అభిమానుల అంచనాలకు తగినట్టుగానే పుష్ప నుంచి పోస్టర్స్, సాంగ్స్ విడుదల చేస్తున్నారు మేకర్స్. పాన్ ఇండియా రేంజ్‏లో ఈ సినిమాను రెండు భాగాలుగా తెరకెక్కిస్తున్నారు సుకుమార్. ఇందులో బన్నీ మునుపెన్నడూ కనిపించనంత ఊర మాస్ లుక్‌లో కనిపించనున్నాడు. ఎర్రచందనం స్మగ్లింగ్ నేపథ్యంలో గ్రామీణ స్టోరీగా ఈ చిత్రాన్ని తెరకెక్కిస్తున్నారు. ఇందులో రష్మిక మందన్నా శ్రీవల్లీ పాత్రలో నటిస్తుండగా.. మాలయాళ హీరో ఫహాద్ ఫాజిల్ విలన్ పాత్రలో నటిస్తున్నాడు. ఇక ఈ సినిమాకు దేవీ శ్రీ ప్రసాద్ సంగీతం అందిస్తున్నారు.

అయితే ఇప్పటికే ఈ సినిమా నుంచి విడుదలైన దాక్కో దాక్కో మేక, శ్రీవల్లి, సామీ సామీ పాటలు ప్రేక్షకులను విపరీతంగా ఆకట్టుకుంటూ యూట్యూబ్‏లో రికార్డ్స్ సృష్టిస్తున్నాయి. తాజాగా ఈ సినిమా నుంచి నాలుగో సాంగ్‏ను విడుదల చేయనున్నట్లుగా ప్రకటించారు చిత్రయూనిట్.. ఇందుకు సంబంధించి ట్విట్టర్‏లో బన్నీ పోస్టర్ విడుదల చేశారు. ఏయ్ బిడ్డా ఇది నా అడ్డా అనే పాటను నవంబర్ 19న విడుదల చేయనున్నట్లుగా ప్రకటించారు మేకర్స్. ఇక ప్రస్తుతం శరవేగంగా షూటింగ్ జరుపుకుంటున్న పుష్ప మొదటి భాగాన్ని డిసెంబర్ 17న ప్రేక్షకుల ముందుకు తీసుకురానున్నారు. ఈ చిత్రాన్ని భారీ బడ్జె్ట్‏తో మైత్రీ మూవీ మేకర్స్ నిర్మిస్తుండగా.. జగపతి బాబు, సునీల్, అనసూయ కీలక పాత్రలలో నటిస్తున్నారు.

ట్వీట్..

Witness the MASS swag of #PushpaRaj ?#PushpaFourthSingle on 19th NOV ??#EyyBiddaIdhiNaaAdda #EyyBetaIdhuEnPatta #EyyPodaIthuNjaanaada #EyyMagaIdhuNanJaaga #EyyBiddaYeMeraAdda #PushpaTheRise #PushpaTheRiseOnDec17 @alluarjun @iamRashmika @aryasukku @ThisIsDSP @adityamusic pic.twitter.com/wdhPkqJqUo

— Mythri Movie Makers (@MythriOfficial) November 14, 2021